Mýzeı qyzmetkerleriniń aıtýynsha, samaýryndar bir-birine uqsamaıdy. О́ıtkeni bul buıymnyń kólemi de ártúrli, jasalýy da ózgeshe. Sonyń ishinde oıý-órnegimen erekshelenetin samaýrynnyń bir ǵasyrǵa jýyq tarıhy bar. Ony XIX ǵasyrdyń úzdik týyndysy deýge bolady.
Bir qaraǵanda, kádimgi samaýryndar sekildi bolǵanmen, turbasynyń ózi ásem órnekpen bezendirilgen. Sý quıatyn rezervýaryna metall tútik ornatylǵan. Sary jezden jasalǵan buıymnyń bıiktigi – 28 sm, turbasynyń ólshemi – 23h8,5 sm.
Bul – kóneden jetken jádiger. Ony Nur-Sultan qalasynyń turǵyny, Qazaqstan Sýretshiler jáne Dızaınerler odaǵynyń múshesi, zerger, usta Berik Álibaı tapsyrypty. Ol samaýryndy astanada ótken EKSPO-2017 halyqaralyq kórmesinde Aýǵanstan halyqtarynyń antıkvarlyq zattary pavılonynan satyp alǵan.
О́ner ıesiniń aıtýynsha, samaýryndy 1930-jyldary taǵdyrdyń tálkegimen Ortalyq Azııadan kóship barǵandar tutynǵan. Soǵan qaraǵanda, bul samaýrynnan myńǵyrǵan maly bar bir baı jantaıyp jatyp shaı ishti me eken?
Atyraý oblysy
