«О́tken jyly «Mektepke jol» aksııasynyń negizinde 4 myńnan asa balaǵa kómek kórsetilgen edi. Búginde kómekke muqtaj balalardyń tizimi daıyndalyp jatyr», dedi Túrkistan oblystyq adamı áleýetti damytý basqarmasy basshysynyń orynbasary Nurjan Nurlybaev.
Onyń aıtýynsha, árbir eldi mekende, qala mańyndaǵy saıajaılarda, bólimderde, fermalarda «táýekel tobyndaǵy» balalardy anyqtaý úshin reıd júrgizilip, qorytyndysy boıynsha tizimder jasalady. Bul tizim bilim berý organdary men demeýshilerge beriledi.
Oblystyq adamı áleýetti damytý basqarmasynyń bas mamany Ǵalııa Ámiráliqyzynyń aıtýynsha, tizimder ata-analardyń kelisimimen jasalady.
Aksııa aıasynda senim telefondary men qoǵamdyq qabyldaýlardyń úzilissiz jumysy uıymdastyrylatynyn da aıta ketý kerek.
Bıyl «Mektepke jol - shekarasyz jaqsylyq» uranymen ótkeli otyrǵan aksııa 1 tamyz ben 30 qyrkúıek aralyǵynda júzege asyrylady.
