Májilis joǵary baǵalandy

Keshe Azııa damý banki Basqarýshylar keńesiniń 47-shi májilisi aıaqtaldy. Soǵan oraı ADB prezıdenti Takehıko Nakao qorytyndy baspasóz máslıhatyn ótkizdi. Baspasóz máslıhaty barysynda Takehıko Nakao Qazaqstandaǵy májilis óte joǵary deńgeıde uıymdastyrylǵanyn atap ótti. Ol  jıyn barysynda óte mańyzdy máseleler talqylanǵanyn tilge tıek ete otyryp, onda qabyl­dan­ǵan sheshimder, pikir almasýlar Azııa damý bankiniń aldaǵy ju­mysyna barynsha tıimdi yqpal etetinine senim bildirdi. Bank pre­zıdenti, sondaı-aq, májilisti uıymdastyrýǵa atsalysqandarǵa alǵysyn aıtty. Takehıko Nakao óziniń qory­tyndy sózinde 10 negizgi máselege toqtaldy. Iаǵnı, tórt kúnge so­zyl­ǵan sharada qandaı sheshimder qabyldandy, pikir almasý alańynda qandaı máseleler qamtyldy, mine, osylardyń barlyǵyn suryptaı kele, ol negizgi máselege basymdyq berdi. Birinshiden, bul májiliste qatysýshylardyń kóbi álemdik jaǵdaıdyń áli de turaqtalmaǵanyna alańdaýshylyqtaryn bildirdi. Biz bul turǵyda, alda kezdesýi múmkin qıyndyqtarǵa tótep berý úshin aldymen makroekonomıkalyq basqarýǵa aıryqsha kóńil bólýimiz kerek dedi, T.Nakao. Osy rette, Azııa damý banki aldaǵy ýaqytta da  damýshy elderge barynsha qoldaý kórsetpek. Sondaı-aq, ol 47-shi májiliste mańyzdy bolǵan ekinshi másele – Azııa damý bankiniń 2020 jylǵa deıingi damý strategııasynyń oryndalý barysy bolǵanyn jetkizdi. Úshinshisi, áleýmettik turǵydan az qamtylǵan halyqty barynsha qoldaý, kedeıshilikpen kúres jaǵdaıyna kúsh salý sııaq­ty áleýmettik máseleler de nazar­da bolǵan. Tórtinshiden, klımat­tyń ózgerýine qatysty týyndaı­tyn qıyndyqtardy joıý, aldyn alý máselesin aıtsaq, besinshi­den, aımaqtardaǵy ınfraqu­ry­lym­dardy damytýdy qarjylan­dyrý jaıy da barynsha qamtyl­dy. Altynshysy, sońǵy kezder­degi halyqtyń qartaıýy proble­ma­sy­nyń oryn alýy, kóshi-qon, aýyl­dardan qalaǵa qaraı údere kóshý, qorshaǵan ortaǵa qamqorlyq jaıy da  májilis minberinde qyzý talqylandy. Jetinshi, Azııa damý bankine múshe elderdiń barlyq saladaǵy múm­kindikterin, memlekettik bas­qarý, bıýdjet júıesine, qarjy sa­lasyn damytýǵa yqpal etý, jeke kásipkerlikti damytý sııaqty máselelerge de  qoldaý kórsetý.  Segizinshi, Azııa damý bankiniń tıimdi ári ońtaıly uıym bolyp qalýyna kúsh salý. Bul rette ákim­shiliktik shyǵyndarǵa muqııat bolyp, qarjyny tıimdi paıda­lanýdy nazarda ustamaq. Toǵy­zynshy, ADB qarjysyn ıemde­nýge degen qulshynys jaıy. Onynshy, qarjylyq qurylymdar ju­mysyn júıelendirý, nesıe berý múmkindikterin ońtaılandyrý, basqarý qurylymyn jańǵyrtý sııaqty máseleler qamtyldy. Onyń ishinde Azııa damý bankiniń aımaqtardaǵy róliniń strategııasyn jasaý da bar ekendigin de málimdedi Takehıko Nakao. Basqarýshylar keńesi bul basymdyqtarǵa súıene otyryp, aldaǵy jumystaryn júıelep, jandandyra túspek. Dınara BITIKOVA, «Egemen Qazaqstan».