«Otyrar» memlekettik arheologııalyq mýzeı-qoryǵynyń dırektory Jankeldi Mahashovtyń aıtýynsha, «Uly Jibek joly jáne Otyrar alqabynyń ortaǵasyrlyq órkenıeti» atty kóshpeli kórme jádigerleri eki bólimge jınaqtalǵan. Alǵashqy bólimde IH-HII ǵasyrlar kezindegi Otyrardyń tynys-tirshiligin baıandaıtyn zertteýler nátıjeleri, sol dáýirge tán túpnusqa jádigerler usynylǵan. Al ekinshi bólimde áıgili sultan Ámir Temir dáýiri men Qazaq handyǵy tusyndaǵy Otyrar qalasynyń damýyn aıshyqtaıtyn zattaı jádigerler qoıylǵan.
– Uly Jibek jolynyń boıynda ornalasqan ortaǵasyrlyq Otyrar qalasynyń tarıhy tym tereńde jatyr. Arheologııalyq qazba jumystary kezinde áıgili oıshyl Ál-Farabı dúnıege kelgen tarıhı shahardan X-XII ǵasyrlarǵa tıesili kóp jádiger tabylǵan. Onyń ishinde tuǵyrly maıshamdar, san túrli úlgide jasalǵan qazandar men qumyralar, sý qubyrynyń bólshekteri, sándi saptyaıaqtar, alýan pishindegi qaqpaqtar, tostaǵan men tabaqtar, sııa saýyt pen kese, monshaqtar men túımeler kolleksııasy bar, – deıdi Jangeldi Mahashov.
Munaıly óńir turǵyndarynyń nazaryna Tashkent, Iаssy, Buqara, Samarqand, Shaǵataı, Qarahanıd, Qytaı teńgeleri men dırhemderi usynylyp otyr. Kóne jádigerlerdiń arasynda Alambık shynysynan jasalǵan túrli ydys pen shyny vaza, qala ǵımarattaryn qaptaǵan jazýy bar qaptamalar men órnekti kirpishter, polıtra men sferakonýs, seladon farforynan jasalǵan Qytaı ydystary nazar aýdarady. Sol kezeńdegi «Dıýanı Hıkmet» pen «Tartıbı Zıbo» grammatıkalyq eńbeginiń, «Mýlla Qasym» dinı kitaptarynyń alar orny erekshe ekeni daýsyz.
Atyraý oblysy
