VII Astana ekonomıkalyq forýmy 21-23 mamyr aralyǵynda ótedi

ASTANA. 6 mamyr. Aǵymdaǵy jyldyń 21-23 mamyry aralyǵynda ótkeli otyrǵan VII Astana ekonomıkalyq forýmy men II Dúnıejúzilik daǵdarysqa qarsy konferensııaǵa álemniń 150 memleketinen 10 myńǵa jýyq adam qatysady. Bul týraly egemen.kz tilshisi habarlady. Astana ekonomıkalyq forýmy álemdegi eń iri halyqaralyq jıyndardyń biri. Forým 2008 jyldan bastap ekonomıkalyq jáne áleýmettik máselelerimen kúresý baǵytynda sheshimder tabý úshin jyl saıyn jahandyq kóshbasshylardy, sarapshylardy jáne bıznes-qaýymdastyqtardyń ókilderin jınap, olardyń basyn qosyp keledi. Bıyl da álemge áıgili saıasatkerler, sarapshy-ekonomıster men Nobel syılyǵynyń 10-nan astam laýreaty, memlekettik uıymdardyń basshylary men aqparat quraldarynyń ókilderi halyqaralyq eń ózekti máselelerdi Astanada talqylamaq. Búkilálemdik daǵdarysqa qarsy Qazaqstan tarapynan tujyrymdama ázirlenip otyr. Bul joba jóninde konferensııada keńinen sóz qozǵalmaq. Atalǵan baǵdarlama kópshilik tarapynan qoldaý tabady degen senim bar. Sharaǵa BUU belsene qatysady dep kútilýde. Bul aýqymdy sharaǵa 800-deı jýrnalıst shaqyrylǵan. Olardyń 300-i sheteldik tilshiler. Joldybaı Bazar. Derekkóz: egemen.kz. Foto: akorda.kz.