«Zaman talaptaryn eskere otyryp, Garabogaz shyǵanaǵy arqyly ótetin avtomobıl kópiriniń qurylysyn bastaýdy qolǵa alǵan durys dep sanadyq. Osy jyldyń 16 maýsymynda qabyldanǵan qaýlyǵa sáıkes, jalpy uzyndyǵy 354 metr jáne eni 21 metr bolatyn avtomobıl kópiriniń jobalyq-smetalyq qujattamasyn daıyndaý jáne salý kózdelgen. Kópir Túrikmenbashydan Garabogaz kıol shyǵanaǵy arqyly Qazaqstan shekarasyna deıin aparatyn tas joldyń boıynda salynady», dep atap ótti Serdar Berdimuhamedov.
Jańa kópir eldiń shyǵys jáne soltústik óńirleri men kórshiles memleketpen aradaǵy taýar aınalymy, júk jáne jolaýshylar tasymaly kólemin arttyrady dep kútilýde.
Osylaısha, kópir Túrikmenstan, Reseı, Qazaqstan, Iran men Úndistannyń júk tasymaldaýshylaryna teńiz, temirjol jáne avtomobıl kóligin paıdalanyp, eń qysqa jolmen Soltústik jáne Shyǵys Eýropa elderine shyǵýǵa múmkindik bermek.
