«Aýǵa» balyq emes, brakonerler tústi

Teńizdegi tyıym salynǵan baılyqtardy zańsyz aýlaıtyndar zań aldynda jaýapty. Solaı bola tu­ra, ońaı olja izdegender qarasy áli úzildi deı almaı­myz. Mamyrdyń merekeli kún­de­­rindegi jaımashýaq demalys­ta osyndaı kásippen 12 azamat us­talǵan. «Jaǵalaý kúzeti» óńir­­­­lik basqarmasynyń teńiz sheka­rashylary ustaǵan bra­ko­n­erlerdiń barlyǵy da Qazaqstan Respýblıkasynyń azamattary. Shekarashylar teńiz ústindegi oljaqumarlardy kúndelikti áske­rı qyzmet barysynda bra­kon­erlik qyzmettiń jolyn kesý, sý resýrstaryn qorǵaý, son­daı-aq «Bekire-2014» keń aýqym­dy balyq qorǵaý aksııasy aıasyn­da qolǵa túsirgen. Olardan «Ka­zanka» tıpti motorly 4 qaıyq tárki­lengen jáne 29 000 metr aý, 13 500 metr qarmaq tapqan. Aý men qarmaqtyń jalpy sany 6 750 dana. Tabylǵan 306 bekireniń 26-sy tiri, 280-i óli kúıinde bolǵan jáne budan basqa bir sentnerge jýyq balyq pen 18 óli ıtbalyq tárkilenipti. Zań buzǵandar endi zańǵa saı jaýapkershilikke tartylatyn bolady. Gúlaıym ShYNTEMIRQYZY, «Egemen Qazaqstan». Mańǵystaý oblysy.