2012 jylǵy 16 aqpandaǵy «Áskerı qyzmet jáne áskerı qyzmetshilerdiń mártebesi týraly» Zańǵa sáıkes jáne Qazaqstan Respýblıkasy Prezıdentiniń 2014 jylǵy 14 naýryzdaǵy №768 Jarlyǵy, Qazaqstan Respýblıkasy Qorǵanys mınıstriniń 2014 jylǵy 20 naýryzdaǵy №116 buıryǵy negizinde Qaraǵandy qalasy Oktıabr aýdanynyń Qorǵanys isteri jónindegi bóliminde Qazaqstan Respýblıkasynyń Qarýly Kúshterine kóktemgi merzimdi áskerı qyzmetke shaqyrý naýqany bastalǵan bolatyn.
Qorǵanys zańnamasyna sáıkes áskerı qyzmet eki túrde júzege asyrylady: áskerge shaqyrý boıynsha jáne kelisimshart boıynsha. Áskerge shaqyrý boıynsha áskerı qyzmet erkin jáne mindetti rette júzege asyrylady. Burynǵy kezge qaraǵanda, Qazaqstan armııasyna jastardyń kópshiligin áskerge shaqyrýǵa qajettiligi kóp bolmasa da, keıin kelisimshart júıesi boıynsha jasaqtaýǵa tolyqtaı aýystyrylatyn bolady. Sonda da jergilikti áskerı basqarý organdary úshin áskerge shaqyrý basymdy jáne de jaı ǵana emes, basty jumys baǵyttarynyń biri bolyp tabylady.
Áskerı bólimderdi jastarmen tolyqtyrý jáne sapaly jasaqtaý maqsatynda bizdiń bólimnen áskerge shaqyrýǵa jatatyn quramdy aldyn ala zerdeleý men irikteý jumystary júrgizildi. Bul jumys 15-25 naýryz aralyǵynda atqaryldy. Budan soń sáýir men maýsym aılarynda merzimdi áskerge shaqyrylýshylardy irikteý jumystary jalǵastyrylady. Sol boıynsha ózderimen jáne ata-analarymen jeke-dara, sondaı-aq, jumys isteıtin nemese oqý oqıtyn orny ókilderimen áńgimelesý ótkizilip jatyr. Munyń ózi jas azamattardyń densaýlyq jaıyn, adamgershilik jáne iskerlik qasıetterin, jalpy bilim deńgeıin, dene tárbıesin, otbasylyq jaǵdaıy men arnaıy daıyndyǵyn anyqtaýǵa múmkindik beredi. Sonymen birge, moraldyq-psıhologııalyq kúıine, otbasyndaǵy júris-turysy men ekstremaldy jaǵdaılarda tózimdiligine, erte jastaǵy aýrý-syrqatyna nazar aýdarylady. Áńgimelesý nátıjeleri zerdeleý paraǵyna jazylady.
Qazir qalamyzda QR QK qurylýyna 22 jyl jáne Jeńis kúniniń 69 jyldyǵyna arnalǵan respýblıkalyq biryńǵaı jappaı-qorǵanys aılyǵy aıasynda áskerı-patrıottyq baǵytta belsendi is-sharalar júrgizilýde. Oktıabr aýdanynyń oqý oryndarynda áskerge shaqyrylatyn jastar arasynda sporttyq jarystar men oıyndar, jas áskerıdiń kúnderi, jaýyngerlik sabaqtary ótkizilip jatyr. Oktıabr aýdanynyń ákimdigimen birlesip, eńbek ujymdary men oqý oryndarynda ulandardy áskerge saltanatty túrde shyǵaryp salý keshteri uıymdastyrylýda.
1 sáýirden bastap aýdandyq áskerge shaqyrý komıssııasy óziniń belsendi jumysyn bastady. Aýdanymyzdyń Qorǵanys isteri jónindegi bóliminen áskerge shaqyrylýshylar sany jyldan-jylǵa artyp keledi. Barlyǵy óz nıetterimen qyzmet etýge daıyn. Tańdaý deńgeıi, talap bıik. Joǵary jáne orta arnaýly oqý oryndaryn bitirýshiler birinshi kezekte qamtylady. Áskerge, eń bastysy, salamatty jáne bilimdi sarbazdar qajettigi ýaqyt talaby bolyp otyr. Sondaı-aq, bolashaq jaýyngerlerdiń erik-jigeri men psıhologııalyq tózimdiligine úlken talap qoıylady. Al áskerı tártipti bilý, ony oryndaýǵa ázir turý – ózińniń jeke basyńdy qalyptastyrý men áskerı qyzmetke daıyndalý jolyndaǵy mańyzdy qadam degen sóz.
Bólimniń áskerı-tehnıkalyq mektebiniń turmysqa qolaıly jataqhanasy bar. Materıaldyq bazasy jaman emes. Ondaǵy oqytýshylar 20 jyl jáne odan da kóp eńbek etken burynǵy kadrlyq áskerı qyzmetshiler. Atalǵan mektep birneshe kýrsanttardy daıarlady. Munymen birge, qaladaǵy bilim berý oryndary men uıymdarynda jastarǵa alǵashqy áskerı daıyndyq boıynsha jumystar júrgiziledi. Eldik rýhty kóteretin, órenderdiń boıynda patrıottyq sezimdi qalyptastyratyn, otansúıgishtikke tárbıeleıtin is-sharalar mańyzy bir bólek. Áskerı-patrıottyq tárbıe berýge №77 orta mektep dırektory Zaıra Jantybaeva, AÁD sabaǵynyń áskerı jetekshisi, aǵa leıtenant Qaırat Kenetaev, qazaq-túrik lıseıiniń oqytýshysy, leıtenant Asqar Qosjanov sııaqty ustazdar zor belsendilik kórsetip keledi.
Bólim daıyndyǵynan ótken gımnazııa oqýshysy Tımýr Abdýgafarov – búginde Almaty áskerı-ınjenerlik radıoelektronıka jáne baılanys ınstıtýtynyń 3 kýrs kýrsanty. Agrotehnıkalyq kolledjiniń áskerı jetekshisi, otstavkadaǵy podpolkovnık Leonıd Slemenevtiń qoldaýy men tárbıeleýi arqasynda Vıktor Kravchenko áskerı oqý ornynda bilim jalǵastyrýdy tańdap aldy. Aýdanymyzdaǵy biraz jastar áskerı ınstıtýttaryn bitirip, ofıser bolyp qyzmet etedi. Máselen, Qurlyq áskerleri áskerı ınstıtýtynyń túlegi leıtenant Qýanysh Ábdikárimov Almatydaǵy 55524 áskerı bóliminde tehnıkalyq vzvod komandıri qyzmetin atqarýda, Voronej avıasııalyq ınjenerlik ýnıversıtetin bitirgen leıtenant Eldos Tısbekov – áskerı meteorologııalyq qyzmet ınjeneri.
Jalpy, ulttyq tárbıeden tereńdep nár alǵan jastarǵa ulttyq patrıotızmdi qalyptastyrýda ata-babalarymyzdyń ulaǵatty oılary men tálimdik tárbıesiniń atqaratyn orny erekshe.
Sondyqtan da biz óz tarapymyzdan alǵa qoıǵan maqsattardy joǵary jaýapkershilikpen oryndap kelemiz.
Dýman BÁKIROV,
Oktıabr aýdanynyń Qorǵanys isteri jónindegi bóliminiń bastyǵy, podpolkovnık.
QARAǴANDY.
*
Derek pen dáıek
Irikteýden ótkender boryshtaryn óteýde
Shyǵys Qazaqstan oblysynyń qorǵanys isteri jónindegi departamentiniń shaqyrý jáne kelisimshart boıynsha áskerı qyzmetshilerdi irikteý basqarmasy bastyǵynyń orynbasary, podpolkovnık Erjan Jaqypovtyń aıtýynsha, 17 sáýirde áskerı boryshyn óteýge shaqyrylǵan jastardyń irikteýden ótken alǵashqy legi shekara qyzmetinde boryshyn óteýge jóneltildi. Bıyl shyǵys óńirinde ásker qataryna alynýshylardyń jalpy sany 1 myńǵa tarta adamdy quraıdy. Onyń ishinde UQK shekara qyzmetine – 200, Qorǵanys mınıstrligine – 200-den astam, Respýblıkalyq ulanǵa – 20-ǵa jýyq, Tótenshe jaǵdaılar mınıstrligi men Ishki ister mınıstrligine 400-den astam jas jiberilmek.
Dýman ANASh,
«Egemen Qazaqstan».
О́SKEMEN.
Sarbaz bolý – maqtanysh
Shyndyǵyn aıtqanda, bul kúnde balalary ásker qataryna shaqyrylýshy barlyq ata-analar sekildi bizdiń de kóńilimiz tolqýly. Úlken ulymyz Jumannyń eseıip, Otan aldyndaǵy azamattyq paryzyn óteý jasyna tolyp qalǵandyǵyn baıqamaı da qalyppyz. Ol ózi muny maqtanysh etip, naǵyz sarbaz atanǵansha asyq. Ásirese, shekarashylar sapyna qosylyp, elimizdiń shyǵys aımaǵynda tynyshtyǵymyzdy kúzetpektigi tileýinen shyqqandaı boldy. Shekarashy bolý jasynan armany edi. Temirjol kolledjin bitirgen tuńǵyshymyzdyń qaladaǵy Oktıabr aýdany qorǵanys isteri jónindegi bólimniń arnaýly komıssııasynan ótýde densaýlyǵy da, alǵashqy áskerı daıyndyǵy da jaqsy ekeni qýantyp tastady.
Búginde áskerı mindettilik jastardyń bári úshin ózderiniń patrıottyq boryshyn atqarýǵa degen tamasha úrdiske aınalǵany aıan. Bul olardyń otanshyldyq sezimi ósýiniń naqty aıǵaǵy bolsa, sondaı-aq, elimiz armııasynyń bedeli bıikteýin tanytatyndyǵy anyq. Basqa da turǵylystaryndaı, qasterli mindetin atqarýǵa jaǵdaı baryna esh alańymyz joq. Jalpysynda, armııa – ómirlik úlken mektep. Sondyqtan sonda shynyǵyp-shyńdalýdyń orny bólektigin bilemiz. Áke-sheshesi retinde ulymyz Jumannyń azamattyq synaqty adal, abyroıly atqara alatyndyǵyna senemiz. Amanatymyz da sol. Kúsh-qýaty jyldan-jylǵa nyǵaıýdaǵy jas memleketimizdiń taǵy bir bolashaq qorǵanynyń aǵasy jolyn jalǵastyrmaqtyǵy da taıaý. Olar sarbaz bolýyna qýansa, Otan qorǵaýshylardy ósirýshi turǵysynda biz de qýanyshtymyz.
Farıza, Qajybek ShADIEVTER,
ata-ana.
QARAǴANDY.
Shar bolattaı shyńdalamyz
Men 1995 jyly Shyǵys Qazaqstan oblysynyń Zyrıan qalasynda dúnıege keldim. О́tken jyly Zyrıan qalasyndaǵy №11 orta mektepti támamdadym. Ásker qataryna osydan bir aı buryn shaqyrylǵan edim. Jalpy, ómirimde birinshi ret áskerı mindetimdi óteýge shaqyrtý aldym. Bul – kez kelgen er azamat úshin úlken qýanysh dep bilemin. О́ıtkeni, týǵan elińniń Qarýly Kúshteri qatarynda qyzmet etý – bir jaǵynan perzenttik paryzymyz, ekinshi jaǵynan shar bolattaı shyńdalyp shyǵýymyzǵa kómektesedi.
Jolym oń boldy. Áskerı komıssarıatta barlyq synnan, medısınalyq tekserýden súrinbeı óttim. Densaýlyǵymda kinárat joq. Meni elimizdiń Ulttyq qaýipsizdik komıtetiniń shekara qyzmetine jóneltýge sheshim shyǵardy. Jaqynda jolǵa shyǵamyz. Ofıserlerdiń aıtýynsha, aldymen Almaty qalasyna barmaqpyz.
Ata-anam Zyrıan qalasynda turady. О́zim aýdandaǵy kólik jáne qurylys kolledjine syrttaı oqýǵa túskenmin. Otbasynda jalǵyz ulmyn. Áskerı qyzmetimdi abyroımen oryndaýǵa tyrysamyn. Boryshymdy ótep oralǵan soń, týǵan qalamyz – Zyrıannyń ishki ister bóliminde jumys istegim keledi.
Sergeı RODIONOV.
Shyǵys Qazaqstan oblysy,
Zyrıan aýdany.
