El aqsaqaldary men batyr urpaqtary qatysqan mazmundy is-sharada Aıbek Qalıev quralaıdy kózge atqan mergenge arnap jasaǵan shoqpardyń tarıhyna toqtaldy.
– Jaqynda Qostanaı qalasynda belgili sportshy, thekvondodan aty álemge áıgili Mustafa О́ztúriktiń shákirti, segiz qyrly, bir syrly Nurlybek Rábilulymen tanystym. О́zi el ishindegi kóptegen ıgilikti iske bastamashy bolyp júrgen azamat. Babalarymyz ustaǵan bes qarýdyń birine jatatyn shoqpar jasaýdyń da sheberi. Sonyń bireýine Keıki batyr esimin beripti.
Sony maǵan usynyp, erjúrek tulǵanyń týǵan jerindegi murajaıǵa tapsyryńyz dep amanat etti. Búgin sonyń sáti túsip, baǵaly dúnıeni Keıki atamyzdyń úzeńgiles dosy, senimdi serigi Amankeldi Imanov atyndaǵy memorıaldyq mýzeıge tapsyryp otyrmyn, – dedi ol.
Odan keıin sóz alǵan mýzeı dırektory Sahan Ońjanuly Keıki batyrǵa arnap jasalǵan shoqpardyń jerlesteri úshin óte qundy ekenin atap ótip, ony jasaǵan sheber Nurlybek Buljan men jetkizgen aqyn Aıbek Qalıevke alǵysyn aıtty.
Bıbit NURMUHANOV,
jýrnalıst
Qostanaı oblysy,
Amangeldi aýdany
