Oblystyq tarıhı-ólketaný mýzeıiniń qorynda saqtalǵan bul keseqap 1970 jyly tabylǵan. Kúmisten jáne teriden jasalǵan buıymnyń san túri bar. Al mýzeıge qoıylǵany – «úsh emshekti keseqap» dep atalady. Derekterge sensek, dál osy qolóner týyndysy on toǵyzynshy ǵasyrda jasalǵan desedi mamandar.
«Kóshpeliler dáýirinde shyny keseler qırap qalmaýy úshin halyq sheberleri keseqaptar jasap, ydystardy solardyń ishinde saqtap, tasymaldaıtyn bolǵan. Keseqaptardyń «syńar emshek», «qos emshek», «úsh emshek» degen túrleri bolady. Ýaqytynda qolóner sheberleri ony ár túrli materıaldan jasaǵan. Negizinen teri jáne kúmisti jıi qoldanǵan degen derekter bar. Bul keseqap bizdiń mýzeıge osydan elý jyldan astam ýaqyt buryn ótkizilipti», deıdi oblystyq tarıhı-ólketaný mýzeıi ǵylymı-zertteý jumystaryn qamtamasyz etý bóliminiń meńgerýshisi Aldııar Suranshy jádiger tarıhy týraly syr shertip.
TARAZ
