Azat eldiń aıbyny

Dál osy kúni Kóksheniń kúz­gi as­pany da jadyrap, shýaq qu­ıyp tur edi. Ortalyqtaǵy máde­nıet saraıyna Ata Zań kúni­men rýhtanǵan, jarqyn júzdi jurt­shylyq kóp jınaldy. Birin-biri Ata Zań kúnimen quttyqtap, má­re-sáre. Mádenıet saraıynyń kire­berisine taqyryptyq kórme uıym­dastyrylypty. Ata Zańnyń negizinde júzege asyrylyp jatqan san sharýa qamtylǵan.

Mándi merekelik is-shara tá­ýel­siz elimizdiń tyńdaǵan jannyń boıyna maqtanysh sezimin syılap, ólsheýsiz kúsh-qýat quıatyn Án­uran­men ashyldy. Oblys ákimi Ermek Marjyqpaev qaýymdy Kon­stıtýsııa kúnimen quttyqtaı kele, izgi tilegin joldady. Ol óz sózinde Qazaqstan halqy dástúr sabaqtastyǵyn jalǵastyrǵan, ózin erkindik pen teńdik jáne tatýlyq murattaryna berilgen beıbitshil azamattyq qoǵam re­tinde tanytyp otyrǵandyǵyna toqtaldy.

Búginde Qazaqstan postkeńes­tik keńistiktegi memleketterdiń arasynda kóshbasshy elderdiń biri bolyp tabylady. Alǵa umtylǵan azat eldiń qol jetkizgen tola­ıym tabystaryna aqmolalyq­­tar da zor úles qosýda. Memle­ket­tik qoldaýdyń arqasynda óńir­diń ishki jalpy ónim kólemi qarqyndy damýda. Osy arada bir ǵana mysal keltire ketelik, 2020 jyly ónerkásip óndiri­si­niń kólemi 1 trıllıon teńgeni qurasa, ústimizdegi jyly bul kórsetkish 1 trıllıon 300 mıllıard teńge kóleminde bolady dep mejelenýde. Astyqty óńir ár­bir ekinshi kombaındy, árbir ekin­shi traktordy, qus etiniń úshten birin óndiredi. Búgingi tańda oblys jartylaı óńdelgen altyn óndirisi boıynsha elimizdiń aldyńǵy qataryna shyǵyp otyr. Sál taratyp aıtatyn bolsaq, altynnyń árbir úshinshi tonnasy, polıpropılen men polıetılennen jasalǵan barlyq býyp-túıip zattarynyń besinshi bóligi, árbir onynshy kirpish bizdiń óńirde daıyndalady.

Oblysta tórt iri altyn óndirý kompanııasy, eki ýran óndirý jáne qaıta óńdeý kásiporny orna­las­qan. Tamyljyǵan tabıǵaty ta­mam elge belgili, týrıstik bıznes­ti aıryqsha qarqynmen damy­týǵa arnalǵan Shýchınsk-Býra­baı kýrortty aımaǵynyń ajary jyl ótken saıyn jaqsaryp keledi. Indýstrııalandyrý kar­tasyn iske asyrý aıasynda sońǵy 12 jyldyń ishinde oblysta 440 mıllıard teńgeden astam somany quraıtyn 113 joba júzege asyp otyr. О́tken jyly qarjylandyrýdyń bar­lyq kózderi esebinen 700 myń sharshy metrge jýyq turǵyn úı salý kózdelgen. Tilge tıek etip otyrǵan bul kórsetkishter óńir­degi jarqyn jetistikterdiń bir parasy ǵana.

Saltanatty jıyn barysynda oblystyń áleýmettik-ekono­mıkalyq salasyn damytýǵa zor úles qosyp, ózderiniń aq adal eńbegimen ózgege úlgi-ónege bolyp júrgen ozattar Alǵyshat­pen marapattaldy. «Mereıli ot­­basy» jalpyulttyq baı­qaýy­nyń oblystyq kezeńiniń jeńim­pazdary sanatyndaǵy 7 otbasyna 500 myń teńgege deıin syı­lyq tabys etildi. Bas júldege Aqkól aýda­nynda turatyn Bójen Qurmetbektiń otbasy laıyq dep tanyldy.

Mereıli mereke sońy oblys­taǵy shyǵarmashylyq ujym­dar­dyń konsertine ulasty.

Aqmola oblysy