(Tolǵaý) Kisimin ata kórgen, ana kórgen, Kóterdim kóptiń júgin shama kelgen. Batasy Muqaǵalı qabyl bolyp, Sózime qalyń elim baǵa bergen!
Tóbemnen tóńkergendeı qara túndi, Túletti Táýelsizdik qanatymdy. Elbasy arqasynda el jańaryp, Arqaǵa Astanadaı qala turdy. Ejelde eltutqalar el ornatqan, Ulasqan urpaǵyna olar – maqtan. Elbasy – qasıetti ataly sóz, Mazmuny, maǵynasy tereń jatqan. Tý tikken, eńse tiktep eldigiń ǵoı, О́zgemen terezesi teńdigiń ǵoı. Eletmish1 , Atatúrik dańqymenen, Elbasy uǵymynyń orny birdeı. Toqtamas ǵasyrlardan ozǵan dáýir, Tynysyn sezinesiń jazǵanda jyr. Keńestik kósemderdi mansuq etip, Ketti ǵoı kósem degen sózden qadir. Ár sózdiń astaryna osy arada, Aǵaıyn, oı jiberip jete qara. Táýelsiz Qazaqstan tarıhynda Tulǵasy Elbasynyń jeke dara! О́mirdiń sýdaı aǵyp ózegimen, Keledi Prezıdentter kezegimen. Elbasy – Nazarbaev egiz uǵym, Jasaıdy máńgi birge óz elimen! Nur-aǵam ózi salǵan nur qalanyń, Sáýleti baǵyn ashty bul dalanyń! Azattyq, Elbasyny, Astanany, Belgili “Báıterekte” jyrlaǵanym! “Báıterek” bireýlerge unamaıdy, “Bılikti maqtadyń” dep kinálaıdy. Jyrlasam Elbasyny aıyp pa eken, Kótergen tóbesine uly Abaıdy! Jyrladym Abylaıdy, Qabanbaıdy, Naýryzbaı, Berdiqoja, Bógenbaıdy. Han Kene, Aqmolanyń shejiresin, Tý jaıly, teńdik alǵan zaman jaıly! Jyrlaımyn tilim barda tańdaıymda, Astana, erkin ómir, el jaıynda! Turǵanda kúnim týyp aspanymda, Bıikke men-daǵy bir samǵaıyn da! Tirshilik jaınaǵanda tańǵy aspandaı, Jarqyldar jyrym meniń aldaspandaı. Kórmesek basymyzǵa qonǵan baqty, Bolmaı ma eki kózdi shel basqandaı... Qulpyryp, qubylmaıdy kúnde bosqa, Minezi bul zamannyń múlde basqa. Tulǵasy Kemeńgerdiń arqa-tirek – Túbi bir, tilegi bir kúlli Alashqa. Azaptyń artta qaldy san ǵasyry, Qazaqtyń jetti álemge alǵash úni. Dúnıeniń tórt buryshy túgel kórdi, Tórinde kósh bastaǵan Elbasyny! Dananyń júzege asyp oılaǵany, Dáýirdiń qaınap jatyr taıqazany. Elbasy, Astananyń týǵan kúni, Ár qazaq júreginde toılanady. Juldyzdy jyr týmasa jarqyldaǵan, Qaıtedi qulaq túrip halqym maǵan. Kók baıraq qudiretti Er qolynda, Qyranyn kúnniń nury altyndaǵan. Babasy kórmegendi kórdi qazaq, Qanatyn keń jahanǵa kerdi qazaq! Atynan Aqordanyń bılik aıtyp, Tóraǵa Eýropaǵa boldy qazaq! Shyǵandap, qıyr shettiń tanyp bárin, Ýa, jurtym, shartarapqa sharyqtadyń! Bul álem qashan tutas bilip edi, Qazaqtaı jer betinde halyq baryn? Tabynǵan ata-babań kókbórige, Alysyp at ústinde ótpedi me?! Shyǵardy Nursultanyń taısalmastan, Tákappar Eýropanyń qaq tórine! Aspandap ataq-dańqy kókke órlegen, Búgindi salystyrma ótkenmenen. Tórinde tórelik qyp otyrǵan joq, Babalar Eýropaǵa jetkenmenen. Betine berekeniń shań juqtyrmaı, Kóp bolyp qýanaıyq tarlyq qylmaı! Qazaqqa dúnıeni jalt qaratqan, Bolǵan joq buryn-sońdy erlik mundaı! Jańylyp júrer joldyń júlgesinen, О́rt shyqty talaı eldiń irgesinen. Daýysy saıypqyran Nur-aǵamnyń, Álemniń sańqyldaıdy minbesinen! San ǵasyr osy sátti elim kútti, Talaıdyń tikken týyn Táńir jyqty. Batyry, Beıbitshilik kóshbasshysy – Danaǵa basyn ıdi nebir myqty! Qanshama qasiretti jer kóterdi, Qaharman óz ulyna el de sendi. Ajdaha polıgonnyń aýzyn jaýyp, Ǵalamdyq tunshyqtyrdy zor qaterdi. Elbasy – tóbeńdegi baq juldyzyń, Qaratty óz aýzyna jerdiń júzin. Suńǵyla saıasatpen sara tilip, Eritti tarıhtaǵy tońnyń muzyn. Kóp ultty Qazaqstan erdi Ulyǵa, Urpaqqa er eńbegi – máńgi mura! Bir jerge barlyq dinniń basyn qosyp, Álemniń yqpal etti taǵdyryna! Týdyrǵan qaıtalanbas alyp tulǵa, Qazaqtaı baqyty zor halyqtyń da. Samǵaıdy altyn topshy Samuryǵy, Qanatyn bolashaqqa qaǵyp týra. Ult barda yntymaǵy buzylmaǵan, Tarıhtyń óshire almas izin zaman. Jel esken aıdarynan el-jurtymdy, Til-kózden aman saqta, Qyzyr babam! Adaspaı saltymyzdan halyq tutqan, Eldiktiń qasıetin tanyttyq san. Jetkizgen osy kúnge, ýa, qazaǵym, О́z ulyń ózegińdi jaryp shyqqan! Sekildi zańǵardaǵy taý barysy, Nursultan – el tiregi, el namysy! Adamnyń bul ómirde armany joq, Halqynyń bola bilse qorǵanyshy!.. Nesipbek AITULY. * Eletmish – Túrik qaǵanatyn qurǵan adam. Eldi el etken degen maǵynada.
