Behor Barýhtyń jalpy redaksııasymen shyqqan qasıetti kitaptyń Eres Israelde 1997 jylǵy túpnusqasy orys tiline aýdarylǵan. Eýrazııa ulttyq ýnıversıtetiniń professory Nurtas Imanqulov aýdarmaǵa 5 jyl jumsaǵan.
Aıta ketetin jaıt, atalǵan eńbek Nur-Sultan qalasynda 14-15 qyrkúıek kúnderi ótetin Álemdik jáne dástúrli dinder kóshbasshylarynyń VII sezi qarsańynda jaryq kórip otyr.
«Táýrat» sóziniń túbiri oqytý, tárbıe, nusqaý jáne zań degen maǵynany bildiredi. Kitap din salasynyń qyzmetkerlerine, dintanýshy ǵalymdarǵa jáne dinge qyzyǵýshylyq tanytatyn barsha oqyrmanǵa arnalǵan.
Táýratty tuńǵysh ret qazaq tiline aýdarǵan professor Nurtas Imanqulov – kóptegen kitaptyń avtory. Onyń týyndylarynyń qatarynda «Evreıler taǵylymy» jáne «Qazaqııa fılosofııasy» basylymdary bar.
