Búgin Sátbaev qalasyndaǵy «Ulytaý» saýda ortalyǵynyń aldynda atys boldy. Belgisiz bireý 24 jastaǵy jigitti jaralaǵan. Nátıjesinde ol aýrýhanaǵa jetkizildi.
«Jaralanǵan jigit 1998 jylǵy azamat ekeni anyqtaldy. Ol Jezqazǵan qalasyndaǵy oblystyq kópsalaly aýrýhanaǵa jetkizildi. Oq oń jaq sanyna tıgen, sonymen qosa arqasynan, eki jaýyrynnyń arasyna pyshaq suqqan. Jigittiń alǵan jaraqattarymen hırýrgter aınalysýda», dedi Ulytaý oblysynyń densaýlyq saqtaý basqarmasynan.
Oqıǵaǵa ne sebep bolǵany ázirge belgisiz. Tártip saqshylary mán-jaıdy anyqtaýda.
«Bul fakti boıynsha qylmystyq is qozǵaldy. Qazirgi ýaqytta kúdiktini anyqtaý jáne ustaý boıynsha jedel-izdestirý sharalary júrgizilýde. Oqıǵanyń mán-jaıy anyqtalýda», dep habarlady Ulytaý oblystyq PD baspasóz qyzmeti.
