Búginde elimizde Internet qyzmetin qoldanýshylar sany kóbeıgen saıyn qazaq tildi kontentti damytýǵa memleket tarapynan erekshe kóńil bólinip keledi.
Oǵan dálel retinde naýryz aıynan bastap «Ulttyq Internet Assosıasııasy» jáne «Qazaq Softverlik Kompanııalar Assosıasııasynyń (Kazakh Software Companies Assosiation)» bastamasymen “Blogıada. Sapaly kontentke mıllıon” atty jarystyń ótkizilip kele jatqanyn aıtýǵa bolady. Bul týraly egemen.kz tilshisi habarlady.
Jarystyń maqsaty – blogshylardyń jazbalaryn jańa deńgeıge kóterý, qazaq tildi kontentti sapaly ári mándi jazbalarmen arttyrý. Dál qazir jarystyń birinshi kezeńi aıaqtalyp, 32 blogshydan 16 úzdik anyqtaldy.
Sharanyń qonaǵy Djosh Stadl AQSh-ta Qazaqstan týraly eki blog júrgizetinin aıtty. kazakhworld.com jáne kazsocial.com blogtarynda Qazaqstannyń mádenı, áleýmettik ómiri jaıly posttar jazylatynyn aıtyp, óz jobalaryn tanystyrdy.
Qazaq Softverlik Kompanııalar Assosıasııasynyń (Kazakh Software Companies Assosiation) prezıdenti Azamathan Ámirtaı saıysqa qatysýshylarǵa sáttilik tilep, 16-lyqqa ótken úmitkerlerdi quttyqtady.
Blogıadashylardyń arasynda top jaryp turǵan Asqar Bazarbaı uıymdastyrýshylar men ádilqazy múshelerine alǵys aıtýda.
Sharanyń arnaıy qonaǵy, blogıadanyń aqyldastar alqasynyń tóraǵasy Irak Elekeev saıystyń mańyzdylyǵyn túsindirip, qatysýshylarǵa sáttilik tiledi.
Danııar Alan.
