Eýrazııalyq ekonomıkalyq odaq aıasynda ortaq taýar naryǵy qurylady

ASTANA. 28 mamyr. Eýrazııalyq ekonomıkalyq odaq kóleminde ortaq taýar naryǵy jumys isteıdi. Ortalyq kommýnıkasııalar qyzmetinde ótken brıfıngte «Ekonomıkalyq zertteýler ınstıtýty» aksıonerlik qoǵamynyń prezıdenti Maqsat Muqanov osylaı dedi. Bul týraly Today.kz habarlady. M.Muqanov: «Bıylǵy jyl óńirlik ıntegrasııa aıasynda erekshe jyl bolady. Erteń tarıhı qujat – Eýrazııalyq ekonomıkalyq odaq qurý týraly shartqa qol qoıylady. Kelisim 2015 jyldyń qańtar aıynan kúshine enedi. Bul kelisimniń nátıjesinde bizdiń óńirimizde jańa sapaly uıym dúnıege keledi», – dedi. Onyń aıtýynsha, 2015 jyl óńirlik ıntegrasııanyń sharyqtaý shegi bolmaq. Kelisim ekonomıkalyq máseleler boıynsha Qazaqstan, Reseı jáne Belarýs elderi yntymaqtastyǵynyń tereń ıntegrasııasyna jol salady. Sondaı-aq, eń aldymen kóptegen halyqaralyq kelisimder men normatıvtik-quqyqtyq qujattardy biryńǵaı júıege keltirý jumystary isteledi. Budan bólek, ol: «Kelisim turaqty ekonomıkalyq tuǵyrnama qurýdy qamtamasyz etý jáne úsh eldiń halqynyń ál-aýqatyn jaqsartý úshin jaǵdaı jasaýǵa baǵyttalǵan. Kelisim negizgi úsh bólimnen turady. Instıtýsıonaldyq bólikte basqarý organdarynyń quqyǵy, bıýdjettik suraqtarǵa qatysty máseleler qarastyrylǵan. Mazmundy bóligi ekonomıkanyń mańyzdy salalaryndaǵy retteýdi qamtıdy. Kelisim aıasynda ortaq taýar naryǵy qurylady. Taýarlar, kapıtal, eńbek resýrstary men qyzmetterdiń erkin qozǵalysy retteledi», – dedi. Joldybaı Bazar. Derekkóz: Today.kz. Foto: ortcom.kz.