Búgingi tańda adamzat tarıhynda jańa «kóportalyqty» álem qalyptasýda

ASTANA. 28 mamyr. Búgin dástúrli «Eýroodaq-Reseı-Qazaqstan: ózara árekettestiktiń jańa paradıgmasy» atty XII Almaty konferensııasy ótti. Bul týraly «QazAqparat» habarlady. Konferensııada Prezıdent janyndaǵy Qazaqstan strategııalyq zertteýler ınstıtýtynyń dırektory Bolat Sultanov: «Qazir jańadan qalyptasyp kele jatqan «kóportalyqty» álem óziniń ústemdigin júrgize bastaýda. Bul jerde bir aıta ketetin jáıt, saıasatta da, ekonomıkada da kóp polıarlyq álem qalyptastyrý – boljap bolmaıtyn ssenarıı boıynsha damıdy. Sáıkesinshe, aımaqtyq jáne ǵalamdyq deńgeıde básekelestikter kúsheıedi. Demek, aımaqtyq jáne ǵalamdyq deńgeıde turaqsyzdyqtar oryn alady. Osyǵan baılanysty Memleket basshysy VII Astana ekonomıkalyq forýmynda sóılegen sózinde, álem qaı baǵytta damysa da, oǵan daıyn bolý kerektigin atap ótti. Mysaly, ǵalamdyq qarjy daǵdarysy áli kúnge deıin jalǵasyp keledi. Oǵan qosa, qarqyndy damyp jatqan BRIKS (Qarqyndy damyp jatqan bes memlekettiń birlesken toby – Brazılııa, Reseı, Úndistan, Qytaı jáne Ońtústik Afrıka Respýblıkasy) elderin aıta ketý kerek. Munda Reseı men Qytaı bolashaqta ekonomıkalyq damýda AQSh-ty yǵystyrýy ábden múmkin», – dedi. Sondaı-aq, ol burynǵy bir polıarlyq jáne qos polıarlyq álem óziniń dármensizdik tanytyp otyrǵanyna toqtaldy. Joldybaı Bazar. Derekkóz: «QazAqparat». Foto: quorum.kz.