Eýrazııalyq ekonomıkalyq odaq biz úshin úlken múmkindikterge jol ashady

ASTANA. 28 mamyr. Eýrazııalyq ekonomıkalyq yqpaldastyq Soltústik Qazaqstan oblysy kásipkerleriniń tabysyn eseleı túsýde. Bul týraly «24kz» habarlady. Soltústik Qazaqstan oblysynda bir jylda 450 myń tonna sút óńdeledi. Budan biz aımaqtyń kásipkerleriniń jumysy qarqyn alǵanyn ańǵaramyz. Osy arada erekshe toqtala keter jáıt, Petropavldaǵy sút zaýytynan shyǵarylǵan ónimniń 30 paıyzyn kórshi Reseı eli satyp alady. Búginde osy zaýytta  220 adam turaqty túrde jumyspen qamtylǵan. Olar táýligine 300 tonna taza ónim shyǵarady. Zaýyt dırektory Roza Súleımenova: «Eń bastysy, súttiń sapasyna nazar aýdaramyz. О́nimdi oblys kólemindegi shaǵyn qojalyqtardan, iri kásiporyndardan alamyz. Básekeden qoryqpaımyz. Eýrazııalyq ekonomıkalyq odaq biz úshin úlken múmkindikterge jol ashyp berip otyr», – dedi. Bul óndiris orny «Údemeli ındýstrıaldy-ınnovasııalyq damý» baǵdarlamasy boıynsha sońǵy úlgidegi tehnologııamen jabdyqtalǵan. Sondyqtan da, zaýyt óniminiń sapasy jaqsaryp, básekege qabilettiligi artqan. Joldybaı Bazar. Derekkóz: «24kz». Foto: strategy2050.kz.