Eýrazııalyq ekonomıkalyq odaq sheńberinde 65 halyqaralyq qujat kodtalady

ASTANA. 28 mamyr. Ortalyq kommýnıkasııalar qyzmetinde ótken brıfıngte «Ekonomıkalyq zertteýler ınstıtýty» aksıonerlik qoǵamynyń prezıdenti Maqsat Muqanov Eýrazııalyq ekonomıkalyq odaq qurý jónindegi kelisim-shart boıynsha shamamen 65 halyqaralyq kelisim-shart kodtalatynyn málimdedi. Bul týraly primeminister.kz  habarlady. M. Muqanov: «Eń aldymen halyqaralyq deńgeıdegi qujattardy kodtaý kerek. Olardyń arasynda 65 kelisim men normatıvti-quqyqtyq qujat bar», – dedi. Brıfıngte belgili bolǵandaı, Eýrazııalyq ekonomıkalyq odaqty qurý týraly kelisim-shart negizinde 19 salada ekonomıkalyq qarym-qatynas máseleleri retke keltiriledi. Bulardyń ishinde keden, ınvestısııa, qarjy sektory, makroekonomıkalyq jáne ónerkásiptik saıasat syndy máseleleri bar. Sondaı-aq, «Ekonomıkalyq zertteýler ınstıtýtynyń» basshysy: «Kelisim-shart aıasynda táýelsizdiktiń 4 túrin retteıtin ortaq taýar naryǵy qurylady. Olar: taýar, kapıtal, eńbek resýrstary men qyzmet kórsetý aınalymy», – dedi. M.Muqanovtyń aıtýynsha, sońǵy 3-4 jylda Keden odaǵy elderine elimizdiń eksportty edáýir ósken. Joldybaı Bazar. Derekkóz: primeminister.kz . Foto: Propertyexperts.ru.