Eýrazııalyq ekonomıkalyq odaqtyń qurylýy bıznesti damytýǵa ońtaıly áser etedi

ASTANA. 29 mamyr. Memleket basshysynyń bıylǵy jyldyń 28 sáýirinde M.V.Lomonosov atyndaǵy Máskeý memlekettik ýnıversıtetinde oqyǵan dárisin álem sarapshylar, ásirese, Eýropa odaǵy muqııat zertteýde. Bul týraly «QazAqparat» habarlady. Máselen, Brıýsselde qazaqstandyq jýrnalısterge bergen suhbatynda eýropalyq aldyńǵy qatarly sarapshy, «Shyǵys-Batys» ınstıtýtynyń ǵylymı qyzmetkeri Danıl Bochkarev: «Prezıdent Nursultan Nazarbaevtyń bıylǵy dárisi yqpaldastyq úderister jaıyndaǵy MMÝ-degi birinshi dárisinen keıin 20 jyldan soń boldy. Nursultan Nazarbaevtyń bolashaqty ǵylymı turǵydan boljaý daryny men saıası danalyǵy ony eýrazııalyq ıntegrasııanyń arhıtektory retinde kórsetti. Endi erteń Eýrazııalyq ekonomıkalyq odaqty qurý týraly kelisimge qol qoıý rásimi ótpek. Bul qozǵalys durys baǵytta kele jatyr», – dedi. Eýropalyq sarapshynyń aıtýynsha, orta jáne shaǵyn elderge iri memlekettermen birlespeı ómir súrý óte qıynǵa soǵady. Danıl Bochkarev: «Biz osyndaı ıntegrasııalyq úderister Azııada bastalǵanyn kórip otyrmyz. Sonymen qatar bundaı qadamdar Soltústik Amerıkada da, Latyn Amerıkasynda da júrip jatyr. Bul jalpyálemdik trendterdiń bóligi. Osy sharalar azııalyq naryqta tótep berýge, sondaı-aq, Eýropalyq odaqpen óziniń kelissózder ustanymyn nyǵaıtýǵa kómektesedi», – dedi. Jalpy, Danıl Bochkarevtiń pikirinshe, Eýrazııalyq ekonomıkalyq odaq qurýdyń ishki máninde birqatar ekonomıkalyq alǵysharttar men basymdyqtar bar. Tez ózgeriske ushyraıtyn álemde jáne halyqaralyq básekelestiktiń kúsheıýi jaǵdaıynda atalǵan odaqty qurý qatysýshy memleketterge paıdasyn tıgizedi. Joldybaı Bazar. Derekkóz: «QazAqparat». Foto: «24kz».