Maqsat – ilkimdilikpen ilgeri basý

Ekonomıkanyń qaı salasy bolsa da jeke-dara damymaıdy. Naqtyraq aıtsaq, árqaısysy oqshaýlanyp damı almaıdy. Aýyl sharýashylyǵy óndirispen tamyrlasa úıleskende ǵana ekonomıka, ol arqyly áleýmettik sala damýdyń dańǵyl jolyna túsedi. Qostanaı oblysynyń burynnan altyn astyǵymen dańqy shyqqan edi. Egin sharýashylyǵy jańa tehnologııalarmen, ozyq tájirıbelermen baıı túsip, bul óńir elimizdiń astyq derjavasyna aınaldy. Qazir Qostanaı Qazaqstandaǵy barlyq astyqtyń tórtten birin beredi. Syrtqa satqan unnyń da tórtten biri Qostanaıdaǵy uqsatý kásiporyndaryna tıesili. Munymen qunarly ólke tek aýyl sharýashylyǵymen shektelip qalǵan joq. Jańa ǵasyrdyń basynda Qostanaı ekonomıkasy jańa leppen damydy. Keńes odaǵy dáýirinde aıaqtalmaı qalǵan dızeldi qozǵaltqyshtar zaýytynyń qańqasy qazir «AgromashHoldıng» alyp kásipornyna aınaldy. Naq osy «AgromashHoldıng» aksıonerlik qoǵamynda júrgizilip jatqan jumystar Qostanaıdy tek astyqty, kendi ólke ǵana emes, elimizdegi mashına jasaý isiniń iri ortalyǵyna aınaldyrdy. Mashına jasaý salasynyń damýynda bizdiń kásiporyn ıntegrasııa úderisine qaryzdar. О́ıtkeni, «AgromashHoldıng» kásiporny aldymen Reseıde óndiriletin aýyl sharýashylyǵyna qajetti tehnıkalardy qurastyrýdy qolǵa alǵan edi. Bul kúnde astyq jınaıtyn «ESSIL KZS-760», «ESSIL KZS-740» jáne jemazyqtyq shóp jınaıtyn KSK-600 kombaındaryn shyǵaramyz. Bulardyń barlyǵyna Qazaqstanǵa qaraǵanda, mashına jasaý isinde ysylyp qalǵan Reseı jáne Belarýs Respýblıkasymen yqpaldasa jumys isteý arqyly qolymyz jetti. 2007 jyly Reseıdiń Krasnoıarsk zaýytynyń «Enıseı» astyq kombaınyn qurastyra bastap edik, al 2009 jyly Belarýs Respýblıkasyndaǵy «Gomselmash» zaýy­tymen birlesip, aýylsharýashylyq tehnıkalarynyń túrlerin shyǵarýdy odan ári damyta tústik. Áriptestik kelisimder jyl ótken saıyn jańa kelisimdermen tolyǵyp otyrady. Qazir «AgromashHoldıng» pen belarýstyq «Gomselmash» ashyq aksıonerlik qoǵamy arasynda birlesken kásiporyn qurý jóninde jumystar júrgizilip jatyr. Bolashaq kásiporyn tehnıka modelderiniń túrlerin kóbeıtýge jáne ónimniń kólemin arttyrýǵa múmkindik týǵyzatyn bolady. Al bul Otanymyzdyń mashına jasaý jáne agararlyq qýatyn arttyrary anyq. Mysaly, 2013 jyly bizdiń kásiporyn 390 aýylsharýashylyq tehnıkasyn qurastyrdy. Ústimizdegi jyly birlesken kásiporyn iske qosylady da, sonyń arqasynda 420 tehnıka sapqa qoıylatyn bolady. Al 2018 jyly tehnıka qataryn 530-ǵa jetkizetin bolamyz. Biz otandyq aýylsharýashylyq ónimderin óndirýshilerdi astyq jáne jemazyqtyq shóp jınaıtyn kombaındarmen tolyq qamtamasyz etpekpiz. О́ndiris kólemi­niń keńeıýi jumys ornynyń kóbeıýine yqpal eteri haq. О́ndiristegi tek aýyl­sharýashylyq tehnıkalaryn shyǵarý sehtaryna 500 adam tartylady. Qatar jatqan jáne mashına jasaý isi damyǵan eldermen bul salany yqpaldasa damytýda qazaqstandyq mazmun úlesin molaıtýdy basty mindettiń biri dep sanaımyz. Mysaly, 2013 jyly shyǵarǵan ónimdegi qazaqstandyq mazmun úlesi 35 paıyzdy qurasa, osy jyly ony taǵy da 5 paıyzǵa arttyramyz. Bıyl Lısakov qalasyndaǵy «DonMar» jaýapkershiligi shekteýli seriktestigi «Agromash Holdıngte» shyǵarylǵan astyq kombaı­nyna tirkeıtin jatka óndirýdi júzege asyrdy. Sonymen birge, Ekaterınbýrg qalasyndaǵy «Pnevmostroımashına» ashyq aksıonerlik qoǵamymen birlesip, osy kásiporyn shyǵarǵan qondyrǵylar arqyly astyq kombaındaryn ıkemdeý jumystary júrgizildi. Qazaqstan dıqandarynyń ótinish-tilegin eskere otyryp, «Gomselmash» kásiporny Essil KZS-740 astyq kombaındaryn jańǵyrtý, túrlendirýdi júzege asyrdy. Kombaındarǵa buryn paıdalanyp kelgen Mınsk motor zaýyty shyǵarǵan qozǵaltqyshtar ornyna odan da qýatty Iаroslav motor zaýyty qozǵaltqyshtaryn salatyn boldy. Munyń barlyǵy da elder arasyndaǵy ıntegrasııa arqasynda múmkin bolyp otyr. Belarýs Respýblıkasyndaǵy iri mashına jasaý kásipornymen yqpal­dastyǵymyz jumysshy kadrlaryn daıyndaýda da jaqsy nátıjesin berip keledi. Mashına jasaý isine bilikti mamandar aýadaı qajet. Olardy birlesken kásiporynda oqytamyz. Al tehno­log-konstrýktorlar «Gomselmash» kásipornynda biliktiligin kóteredi. Elbasy Nursultan Nazarbaevtyń bas­ta­masy, Reseı jáne Belarýs Respýb­lı­kasy prezıdentteriniń qoldaýy ar­qa­synda qurylǵan Keden odaǵy kóptegen ekonomıkalyq úderisterdi, rásimderdi jeńildetti. Ásirese, kedendik rásimder, qujattardy daıyndaý, toltyrý, tir­keý sekildi úderister jeńildedi ári jedel­detildi. Osynyń áserimen respýblıkalardan taýar tasýda kedendik beketterden ótý úderisiniń ýaqyty qysqartyldy. Syrt eldermen taza ekonomıkalyq qarym-qatynastar qazaqstandyq óner­­kásip ónimderiniń sapasyn kótere­di, básekege ıtermeleıdi. «Agro­mashHoldıng» kásiporny aýyl­­­sharýa­­shylyq tehnıkalarynyń syrtynda Ońtústik Koreıanyń SsangYong, Ýkraı­nanyń Chance, reseılik IVECO, ÝAZ mashınalaryn qurastyrady. Eýrazııalyq ekonomıkalyq odaq Qazaqstannyń mashına jasaý óndirisin keńeıte túsýge, ónim túrin kóbeıtip ári sapasyn kóterýge qamshylaıdy. «AgromashHoldıngtiń» óndiris alańynan shyqqan mashınalar tek Qazaqstandy qamtamasyz etip qoımaıdy, Eýrazııalyq ekonomıkalyq odaq naryǵyn da qamtıtyn bolady. Bizdiń kompanııa osy baǵytta jumys júrgizip otyr. Qazir biz mashına jasaý óndirisiniń jańa deńgeıine kóterilip kelemiz. Ol óndirgen ónimde qazaqstandyq mazmun úlesin molaıtýdan turady. «AgromashHoldıng» avtomobılder qoraptaryn dánekerleý, boıaý sekildi usaq jelilik qurastyrýdy qolǵa alǵan Qazaqstandaǵy alǵashqy kásiporyn desek artyq aıtqandyq emes. Kompanııada eksportqa baǵyttalǵan jobalar bar. Ol úshin aldymen otandyq naryqty ıgerip alýymyz kerek ekenin de bilemiz. Munyń barlyǵy aldymen sapaǵa baılanysty. «AgromashHoldıngtiń» óndiris alańynda «SARYARKAAVTOPROM» kásiporny shyǵaratyn SsangYong Nomad avtomobıli Keden odaǵy elderiniń naryǵyn baǵyndyrady degen senimimiz zor. 2013 jyly Qazaqstan Respýblıkasy Prezıdentiniń «Altyn sapa» syılyǵyna «Indýstrııalandyrý kóshbasshysy» atalymy boıynsha kompanııanyń «SsangYong Nomad avtomobılin usaq jelilik ádispen qurastyrý» jobasy ıe boldy. Sonymen qatar, «AgromashHoldıngti» jaqynda Jenevada ótken 84-shi halyqaralyq avtosalonda Ońtústik Koreıadan syrt jerde satylatyn SsangYong avtomobılin usaq jelilik ádispen qurastyrý jobasyn (CKD) júzege asyryp otyrǵan dúnıejúzindegi jalǵyz zaýyt retinde atap ótti. Bul kúnde otandyq SsangYong Nomad avtomobılin tek Reseıge ǵana emes, Belarýs Respýblıkasy men Ázerbaıjanǵa da eksporttaýǵa kelissóz júrgizilýde. Biz reseılik naryqtyń senimin jaýlaýdy kelesi jyldan bas­taımyz. Bıyl óndirilgen mashınanyń barlyǵy da Qazaqstanda satylatyn bolady. Mine, ıntegrasııa bolmasa Qazaq­stan­daǵy mashına jasaý óndirisi osylaı shapshań damymas edi, tipti tul bolar edi. Eýrazııalyq ekonomıkalyq odaq osy úderisti odan ári ilgeri súıreıtin bolady. Bul odaq ishki naryqty syrttan keletin, Keden odaǵy elderiniń mazmundyq úlesi az avtomobılderge aýyp ketpeýinen saqtaıdy. Alda osy saladaǵy talaı ilkimdi, el úshin ıgilikti ister kútip tur. Alekseı SIDORENKO «AgromashHoldıng» aksıonerlik qoǵamynyń basqarma tóraǵasy. QOSTANAI.