О́ńirlik yqpaldastyq básekege qabilettilikti arttyra túsedi

ASTANA. 29 mamyr. О́ńirlik yqpaldastyq básekege qabilettilikti arttyryp, naryqty keńeıtýge múmkindik beredi. «Ekonomıkalyq zertteýler ınstıtýty» AQ prezıdenti Maqsat Muqanov osyndaı pikir bildirdi. Osyny habarlaǵan BNews.kz tilshisi sarapshynyń kóptegen ornyqty oılaryn tarqatyp aıtyp beredi. «Qazaqstannyń óńirlik yqpaldastyqqa umtylýy álemdik trend bolyp tabylady. Bul Qazaqstan úshin asa mańyzdy, sebebi bizdiń aýmaǵymyz úlken emes, teńizge tikeleı shyǵar joldarymyz joq jáne ekonomıkalyq ósimniń negizgi álemdik ortalyqtarynan alshaq. О́ńirlik yqpaldastyq básekege qabilettilikti arttyrýǵa, naryqty keńeıtýge múmkindik beredi», - degen pikirdi jetkizgen sarapshy. Instıtýt basshysy Maqsat Muqanov atap ótkendeı, búgingi kúnniń ózinde biryńǵaı ekonomıkalyq keńistik saýda qyzmetiniń halyqaralyq qıǵadattary negizinde qalyptastyrylýda. «Bul DSU qaǵıdattary. Búginniń ózinde DSU qaǵıdattary basshylyqqa alynyp otyr, óıtkeni bul qaǵıdattarda memlekettiń bul úrdisterge aralasýyn barynsha azaıtý bar. Sondyqtan saýda qyzmetiniń halyqaralyq qaǵıdattarymen ruqsat etilgen baǵyttarda ǵana qoldaý kórsetiletin bolady. Qazir memleket tarapynan bizdiń kásipkerlikke, qazaqstandyq kásiporyndarǵa, ásirese, óńdeý, aýylsharýashylyq ónimderin óńdeý salalarynda óte úlken qoldaý kórsetilýde. Jáne bul baǵytta qoldaý bildirýge tyıym salynbaǵan sharalar (mysal úshin ishki óndiris) otandyq óndirýshilerdi demeýge yqpal etetin bolady. Biraq onymen bir mezgilde Qazaqstan óz moınyna alatyn qoldanystaǵy halyqaralyq normalar men mindettemeler sheńberinde aıtsaq, bul turǵyda halyqaralyq normalar otandyq óndirýshilerge bóget jasaıtyndaı úlken kedergilerdi kórip otyrǵanym joq», - dedi sarapshy. Murat Aıtqoja. Derekkóz: BNews.kz. Foto: agencyrating.kz.