Memleket basshysy Eýrazııalyq ekonomıkalyq odaqtyń qurylýymen quttyqtady

ASTANA. 29 mamyr. Eýrazııalyq ekonomıkalyq odaq bul eń aldymen ekonomıkalyq birlestik, qatysýshy memleketterdiń saıası egemendigine esh qatysy joq. Memleket basshysy Nursultan Nazarbaev Eýrazııalyq ekonomıkalyq odaq qurý týraly shartqa qol qoıylǵannan keıin osylaı dep resmı túrde málimdedi. Bul týraly «QazAqparat» habarlady. Prezıdent: «Qymbatty Qazaqstannyń, Reseı men Belarýs eliniń azamattary! Hanymdar men myrzalar! Eýrazııalyq ekonomıkalyq odaq týraly shartqa saltanatty túrde qol qoıý qoǵamdyq ókilder, zııaly qaýym men úsh eldiń Parlament depýtattarynyń korpýsy, baspasóz ókilderi men jastar qatysyp otyr. Men barshalaryńyzdy Eýrazııalyq ekonomıkalyq odaq qurý týraly shartqa qol qoıylýymen quttyqtaımyn! Biz ózimizdiń ekonomıkalyq áleýetimizdi halyqtarymyzdyń ıgilikte ómir súrýi úshin biriktirip otyrmyz. Eýrazııalyq ekonomıkalyq odaq bul eń aldymen ekonomıkalyq birlestik, qatysýshy memleketterdiń saıası egemendigine esh qatysy joq», – dedi. Joldybaı Bazar. Derekkóz: «QazAqparat». Foto: «QazAqparat».