Eýrazııalyq ekonomıkalyq odaqqa birqatar iri memleketter kirýge nıetti

ASTANA. 30 mamyr. Eýrazııalyq ekonomıkalyq odaqqa onnan astam el múshe bolýǵa qumartyp otyr. «Nur Otan» partııasy tóraǵasynyń birinshi orynbasary Baýyrjan Baıbek osylaı dedi. Bul týraly Bnews.kz habarlady. Baýyrjan Baıbektiń aıtýynsha, Túrkııa, Iran, Jańa Zelandııa, Úndistan elderi bastaǵan onnan astam memleket Eýrazııalyq ekonomıkalyq odaqqa qyzyǵýshylyq bildirip, múmkindik bolsa, onyń quramyna qabyldanýǵa múddeli ekenderin bildirýde. Budan biz atalǵan odaqtyń tıimdi ekenin ańǵaramyz. «Nur Otan» partııasy tóraǵasynyń birinshi orynbasary: «Eýrazııalyq ekonomıkalyq odaqqa kirý bizdiń egemendigimizge nusqan keltiredi degen másele kóp kóterilip júr. Osy tusta meniń aıtarym, búgingi tańda onnan astam memleket Eýrazııalyq ekonomıkalyq odaqqa kirýge nıet bildirip otyr. Atap aıtar bolsam, Úndistan, Vetnam, Túrkııa, Iran, Armenııa, Qyrǵyzstan, Chılı, Jańa Zelandııa jáne taǵy basqalar. Bul memlekettiń egemendigine esh nusqan keltirmesten, erkin saýdaǵa enýge daıyn ekendikterin kórsetip otyr», – dedi. Esterińizge sala keteıik, keshe Astanada Eýrazııalyq ekonomıkalyq odaq qurý týraly kelisim-shartqa qol qoıdy. Joldybaı Bazar. Derekkóz: Bnews.kz. Foto: «QazAqparat».