Eýrazııalyq ekonomıkalyq komıssııanyń basshylyq qyzmetteri úsh el azamattaryna teń bólinedi

ASTANA. 30 mamyr. Ulttyq kásipkerler palatasy basqarma tóraǵasynyń orynbasary Rahym Oshaqbaev Eý­ra­zııalyq ekonomıkalyq komıssııanyń basshylyq qyzmetteri úsh eldiń azamattaryna teń bólinip beriletinin jetkizdi. Bul týraly egemen.kz tilshisi habarlady. Ortalyq kommýnıkasııalar qyzmetinde ótken brıfıngte Rahym Oshaqbaev: «Qazirgi tańda  Eýrazııalyq komıssııada 20-dan astam departament bar. Komıssııanyń turaqty meken-jaıy Máskeýde bolǵandyqtan, departament dırektory laýazymynda reseılik azamattar basym bolyp tur. Qazir bul teńsizdikti joıý úshin shart mátininde departament dırektory jáne olardyń orynbasarlary deńgeıinde teń dárejede usynylatyndyǵy jazylǵan. Iаǵnı, eger departament dırektory Qazaqstan azamaty bolsa, onda onyń orynbasarlarynyń biri Reseı, kelesisi Belarýs azamaty bolýy tıis. Bul qarjylandyrýdy keńeıtýdi talap etedi», – dedi. Joldybaı Bazar. Derekkóz: egemen.kz Foto: strategy2050.kz.