Áýelep ózbek ánderi

Sahnadaǵy О́zbekstannyń halyq ártisi Mý­na­jat Iýlchıeva eken. Ánniń aty – «Mýstah­zod». Tula boıdy tolyq sharlap, teńizdiń aq kóbik tolqynyndaı bir soǵyp ótken janymyzdy keıingi qyzyldy-ja­­syldy kóılek, myń buralǵan bı jylytty. Súıemeldep oınalǵan ár aspaptyń úni sah­na­daǵy ár qımylmen úndesip, birge bılep jatqandaı.

О́zbektiń ónerimen saǵynysa kórisip, tań­ǵala tamsanýymyzǵa О́zbek mádenıeti kún­deri sebepshi bolyp otyr. Qalıbek Qýanysh­baev atyndaǵy Memlekettik akademııalyq qazaq mýzykalyq drama teatrynda ótken Gala-konsertte О́zbekstan Res­pýb­lıkasynyń jetekshi solısteri men shyǵarma­shylyq ujymdary óner kórsetti. Saltanatty keshke О́zbekstan Respýblıkasy Mádenıet mınıstriniń birinshi orynbasary Bahadyr Ahmedov, Qazaqstan Respýblıkasy Mádenıet jáne sport mınıstri Dáýren Abaev qatysty.

«О́zderińizge belgili, eki el arasyndaǵy tarıhı-mádenı baılanys ejelden úlken sıpatqa ıe. О́nerimiz birge óristep, dástúrimiz qatar qanat jaıyp keledi. О́zbek pen qazaq  – tamyry bir, tarıhy ortaq  týys halyqtar. Bizdi  Ábý Nasyr ál-Farabı, Ahmet Iаsaýı, Álisher Naýaı, Abaı sııaqty adamzatqa ortaq alyptar shoǵyry biriktiredi. Biz – bir-birimizge án-jyrymyzben de, taǵdyrymyzben de jaqyn baýyrlarmyz. Búgin sizder bizge arnaıy alyp kelgen mazmuny tereń, maǵynasy baı baǵdarlamalar kóshi sol ıgi sabaqtastyqty jalǵastyryp otyr», dedi Dáýren Abaev.

Sondaı-aq ol qos tarap aldaǵy ýaqyt­ta da mádenı almasýdan bólek, birlesken ortaq jobalardy júzege asyrý qajet ekenin atap ótti.

«Biz burynnan tatýlyqty tabysqa, bir­likti berekege aınaldyryp kele jatqan aǵaıyn­das halyqtarmyz. Oǵan qazaqtyń qabyr­ǵaly úsh bıiniń ekeý – Tóle bı men Áıteke bıdiń ózbek topyraǵynda jatýynyń ózi dálel. Sol týystyq týy qashanda bıik jelbirep, kórshiles eki eldiń kóshi de, kóligi de alda bola bersin degim keledi. О́zbek aǵaıyndarsha aıtsaq: «Ýzoqdaǵı qar­dosh­tan ıaqındagı qўshnı ıahshı». Iаǵnı «alystaǵy aǵaıynnan jaqyndaǵy kórshiń artyq». Bizdi eki myń shaqyrymnan astam shekara ǵana emes, eki myńjyldyq tarıh biriktiredi», dedi mınıstr.

О́zbek tarapy da Mádenıet jáne sport mınıstrligine is-sharalardy uıymdastyrýǵa qoldaý bildirgeni úshin alǵys aıtty.

«О́zbek pen qazaq halyqtarynyń ózara syılastyq, dostyq, týysqandyq qarym-qaty­nasy erteden jalǵasyp keledi. Memle­ketter basshylary júrgizip otyrǵan sarabdal saıasattyń nátıjesinde barlyq sala­da­ǵydaı mádenıet pen ónerde de ynty­maqtastyqtyń jańa múmkindikteri ashylyp, ulttyq óner­di nasıhattaýda jańa beles­terge attadyq. Aıta keterligi, eki el ara­synda ózara mádenıet kún­de­rin ót­kizý dástúrge aınaldy. Bul – bizdiń berik mádenı-rýhanı qarym-qatynasymyzdyń dáleli. Eń bas­tysy, mádenıet­ter arasyndaǵy baılanys­ty úzip almaýymyz ke­rek», dedi О́zbekstan Respýblıkasy Mádenıet mı­nıstr­iniń birinshi orynbasary Bahadyr Ahmedov.

Gala-konsertte halyq ártisteri Mýnojat Iýlchıeva, Jeńisbek Pııazov, Mansur Tashmatov, Mahmud Namazov, odan bólek Memlekettik syılyqtardyń laýreattary Ýmýd Israılov, Shırın Mamatova, Bobýr Kenjaev, basqa da ánshiler men «Naýryz» bı ansambli óner kórsetti. Merekelik keshti Iýnýs Radjabı atyndaǵy «Makom» ansambli san túrli aspappen súıemeldedi. Sazdy keshten bólek teatr foıesinde О́zbekstannyń ulttyq qolóner já­ne beıneleý óneri úlgileriniń kompo­zısııalyq kórmesi qoıyldy. О́zbek­tiń ulttyq kıimderi men qoldan jasalǵan buıymdary satyldy.

Aıta keteıik, eki kúnge jal­ǵas­­qan О́zbek mádenıeti kúnderiniń saıası mańyzy úl­ken. Qazaq­stan men О́zbekstan arasyndaǵy dıplo­matııalyq qatynas­tardyń ornaǵanyna 30 jyl tolýyna oraı uıymdastyrylǵan merekelik is-sharalar aıasynda dóńgelek ústelder, kórmeler men sheberlik sabaqtary ótkizildi. Sondaı-aq eki eldiń nashar kóretin azamattarǵa arnalǵan arnaıy kitaphana ókilderi «Yntymaq, birlik, kelisim – eń asyl baılyq el úshin» atty is-sharada bas qosty. О́zbek mádenıetiniń alǵashqy kúninde eki eldiń arnaıy kitaphanalarynyń birlesip jasaǵan tuńǵysh jobasy Shokır Holıkovtiń «Shaı» qysqametrajdy fılminiń kórsetilimi ótti. Kann festıvalinde bas júldege ıe bolǵan múmkindigi shekteýli jandar týraly erekshe formatta dybyssyz túsirilgen kınotýyndyny Qazaqstannyń arnaıy kitaphanasynyń stýdııasy zaǵıp oqyrmandar úshin qazaq tiline dybystaǵan nusqasyn usyndy. Fılmdi qazaq tiline dybystaǵan mamandardyń biri – Astana qalasynyń zaǵıp jáne nashar kóretin azamattarǵa arnalǵan kitaphana qyzmetkeri Shahsana Mombekova men tanymal dıktor Qýat Ahmetjan. Al fılmdi dybyspen árlep, qajetti jerinde sóz maǵynasyna qaraı áýen qosqan dybys rejısseri Qaısar Turmaǵanbet.

Sonymen qatar Ortalyq balalar jáne jasóspirimder kitaphanasynda ótken is-sharada zaǵıp jandarǵa arnalǵan tıfloqurylǵylar, kitaphana stýdııasy ónimi bolǵan aýdıokitaptar jáne taǵy basqa quraldar qoıylǵan kórme uıymdastyryldy. Is-sharada О́zbekstan kitapha­nasynyń ókilderi elimizdiń zaǵıp oqyr­man­daryna A.Baıtursynuly men Y.Altyn­sarın shyǵarmalarynyń bederli qaripte basyp shyǵa­rylǵan kitabyn syıǵa tartty.