Álemniń 40 eli Kedendik odaqqa kirýge yntaly

ASTANA. 2 maýsym. Eýrazııalyq ekonomıkalyq odaq aıasyndaǵy erkin saýda aınalymyna álemniń 40 memleketi engisi keledi. Eýrazııalyq ıntegrasııa ınstıtýynyń dırektory Janargúl Qusmanǵalıeva Osylaı dedi. Bul týraly egemen.kz tilshisi habarlady. Bul 40 eldiń arasynda Túrkııa, Úndistan, Jańa Zelandııa, Vetnam syndy irgeli memleketter bar. Odaqqa aldaǵy ýaqytta Armenııa birinshi bolyp qabyldanýy múmkin. Sondaı-aq, Qyrǵyzstan da Armenııanyń izimen júrgisi keletinin bildirýde. Búginde ekonomıka salasynyń bilgirleri, bul birlestiktiń kóptegen túıtkilderdi sheshýge muryndyq bolatynyn aıtýda. Olardyń sózine qaraǵanda, kóptegen máselelerdi sheshýge ıntegrasııalyq tendensııalar jetispeýde. Endi bul olqylyqtyń ornyn Eýrazııalyq ekonomıkalyq odaq toltyrmaq. Al eýrazııalyq ıntegrasııanyń áleýeti óziniń moınyna artylǵan jaýapkershilik júgin tolyqtaı kótere alady. Joldybaı Bazar. Derekkóz: egemen.kz. Foto: minplan.gov.kz.