Ulttyq biryńǵaı testileý sońǵy ret ótkizilip otyrǵan joq

ASTANA. 2 maýsym. Jyl saıyn elimiz boıynsha ótkizilip kele jatqan ulttyq biryńǵaı testileý keler jyldan bastap toqtatylady degen qaýeset joqqa shyǵaryldy. Bul týraly «QazAqparat» habarlady. Búgin Astanadaǵy L.Gýmılev atyndaǵy Eýrazııa ulttyq ýnıversıtetindegi synaq pýnktteriniń birine kelgen Bilim jáne ǵylym mınıstriniń orynbasary Tahır Balyqbaev ulttyq biryńǵaı testileý sońǵy ret uıymdastyrylyp otyr degen aqparatty teriske shyǵardy. Tahır Balyqbaev: «Bıyl ulttyq biryńǵaı testileý sońǵy ret ótkizilip jatyr degen aqparat jalǵan. Kelesi jyly da synaq osy formatta ótedi. Biraq bizde memlekettik bilim berý júıesin damytýdyń 2020 jylǵa arnalǵan baǵdarlamasynda 2015 jyldan keıin mektep bitirgen oqýshylardyń emtıhandaryna ózgeris engizý kózdelgen. Ony qazir komıssııa talqylap jatyr», – dedi. Esterińizge sala otyraıyq, búgin jurtymyzda mektep túlekteri arasynda ulttyq biryńǵaı testileýdiń alǵashqy kúni bastaldy. Joldybaı Bazar. Derekkóz: «QazAqparat». Foto: «QazAqparat».