Basty maqsatymyz – buqaralyq sportty damytý

Astanada Qazaqstan fýtbol federasııasynyń kezekti konferensııasy ótti. Jıynǵa oblystyq fýtbol federasııalardyń ókilderi, QFF atqarý komıtetiniń músheleri, premer-lıga men birinshi lıga fýtbol klýbtarynyń ókilderi qatysty. Kezdesýde eki másele qaraldy. Atap aıtqanda, ótken maýsymnyń nátıjesi qorytyndylanyp, fede­rasııanyń fýtboldy damytýdaǵy aldaǵy josparlary talqylandy. Byltyrǵy fýtbol maýsymy Qazaqstan fýtbolynyń 100 jyl­dyq mereıtoıyna tuspa-tus kelip, sonyń aıasynda kóptegen aýqymdy is-sharalar uıymdastyryldy. Máselen, óz tarıhynda birinshi ret Astanada ÝEFA kongresi ótip, Qazaqstan Eýropa fýtbolynyń ortalyǵyna aınaldy, álem elderi elordamyzdaǵy is-sharaǵa kóz tigip, qulaqtaryn túrdi. Sonymen qatar, Qaraǵandynyń «Shahteri» Qazaqstan fýtbolynyń tarıhynda tuńǵysh ret Eýropa lıgasynyń toptyq kezeńine joldama aldy, - dedi kezekti onynshy esepti konferensııany ashqan Qazaqstan fýtbol federasııasynyń prezıdenti Ádilbek Jaqsybekov. О́z kezeginde QFF-tyń bas hat­shysy Allen Shaıjúnisov sońǵy esepti kezeńde qurama koman­dalarymyzdyń alǵa nyq qadam basqanyn atap ótti. Jalpy, osy aralyqta Qazaqstan ulttyq quramasy on resmı jáne joldastyq kezdesýdi joǵary dárejede ótki­zipti. 2014 jyldyń aqpan aıyn­da ulttyq quramamyzdyń bas jattyqtyrýshysy bolyp belgili maman Iýrıı Krasnojan taǵa­ıyn­daldy. Al áıelder ulttyq qura­masy 7 resmı oıyn ótkizip, óz tobynda besinshi oryndy ıemdendi. Qazaqstan jastar quramasy «Eýro-2015» irikteý dodasynda sátti óner kórsetýde. Olar búginge deıin óz tobynda Belarýs, Armenııa jáne Islandııa quramalaryn utty. Halyq arasynda fýtboldy keńinen nasıhattaý sharalary da sátti jalǵasýda. Búginde elimizde 13 fýtbol ortalyǵy jumystaryn júrgizýde. Onyń ekeýi bıyl ashylǵan (Qyzylorda jáne Semeı). Bolashaqta elimizdiń barlyq óńirin fýtbol ortalyqtarymen qamtý isi josparlanǵan. 2013 jylǵy fýt­bol maýsymynda áýesqoı koman­dalar arasynda el kýbogy jáne Qazaqstan chempıonaty uıymdastyryldy. Sondaı-aq, shaǵyn fýtboldan ardagerler men stýdentter arasyndaǵy chem­­pıonattar ótti. Qazaqstan fýtbol federasııasy Bilim jáne ǵy­lym mınıstrligimen birigip, 2014 jyldyń mamyrynan bastap Stý­dentter ulttyq lıgasyn qolǵa al­dy. Bul lıga elimizdiń barlyq óńir­­lerin qamtýdy maqsat etip otyr. Osydan basqa, 2013/2014 jyl­­ǵy fýtbol maýsymynda 21 jas­­qa deıingi daıyndyq toptary ara­­synda Qazaqstan chempıonaty ótkizil­di. 2013 jylǵy maýsymda Alma­tynyń «Qaırat» fýtzal klýby Eremenko kýbogynyń ıegeri atandy. Dál osy dodanyń elıtalyq kezeńinde Qaraǵandynyń «Tulpa­ry» da oınady. Qazaqstan fýtbol tóreshileri­niń kásibı biliktilikterin art­ty­rýǵa baılanysty sharalar da sátti jumys jasaýda. Jas arbıtrlar mektebi ár óńirde keńinen damyp, 2013 jyly sol mektepterdegi tóre­­shilerdiń sany 150 adamǵa jetti. Tipti, joǵary dárejedegi oıynd­ar­ǵa tórelik atqarýǵa joldama alyp jatqan túlekteriniń sany da edáýir artty. Fýtbol mamandaryn daıyndaý júıesi de qurylýda. Birinshi kezekte bul jobanyń júzege asýy Qazaqstan fýtbol federasııasynyń 2014 jyldyń qańtar aıynda Sankt-Peterbýrg qalasynda Reseı, Belarýs, Ýkraına, Latvııa jáne Lıtva elderimen Yntymaqtastyq tehnıkalyq memorandýmǵa qol qoıýyna baılanysty bolyp otyr. Elimizde Kásipqoı fýtbol menedjerlerin daıyndaýǵa arnal­ǵan «CFM» ÝEFA semınaryn ótkizý máselesi de kelisilip qoıdy. Atqarylǵan jumystardy qory­tyndylaı kele Ádilbek Jaq­sybekov alda otandyq fýtboldy damytýǵa arnalǵan jańa tapsyrmalar men maqsattardy iske asyrý kerektigin aıtty. «Onyń jaqyn aralyqtaǵy nátıjesi – Qazaqstan ulttyq quramasynyń Eýropa chempıonatynyń irikteý dodasynda sátti óner kórsetýi bolýy tıis. Bul týrnırde ulttyq quramamyz Gollandııa, Chehııa, Túrkııa, Islandııa jáne Latvııa quramalarymen kezdesedi. Al klýbtyq fýtbolymyzdy jaqsy damyp jatqanynyń kórinisi – «Aqtóbeniń» Chempıondar lıgasynda, «Astana», «Qaırat», «Shah­ter» komandalarynyń Eýropa lıgasy sátti óner kórsetýi bolýy kerek», dedi ol. Qazaqstan fýtbol federasııa­sy kezekti konferensııasynyń qorytyndysynda birqatar uıym­dastyrýshylyq sheshimder qabyl­dandy. Dastan KENJALIN, «Egemen Qazaqstan».