N.Tilendıev atyndaǵy akademııalyq folklorlyq-etnografııalyq «Otyrar sazy» orkestriniń súıemeldeýimen ótetin eske alý keshinde ánshi repertýarynan úzdik shyǵarmalar oryndalady. Orkestrdiń kórkemdik jetekshisi jáne bas dırıjeri Qazaqstannyń eńbek sińirgen qaıratkeri Dinzýhra Tilendıeva. Dırıjerler – Qazaqstannyń eńbek sińirgen ártisi Jalǵasbek Begendikov jáne Qazaqstannyń eńbek sińirgen qaıratkeri Músilim Ámze.
Qazaq akademııalyq opera jáne balet teatrynda uzaq jyldar boıy mesa-sopranolyq rólderdi názik ıirimmen baıytyp ketken
B.Áshimova joǵary oryndaýshylyq mánerimen el esinde qaldy. E.Brýsılovskııdiń «Qyz Jibegi» men «Er Tarǵynynda» Dúrııa, Qamqa, Jańqa, A.Jubanov pen L.Hamıdıdiń «Abaıy» men «Tólegen Toqtarovynda» Qarlyǵash, Lıýba, M.Tólebaevtyń «Birjan–Sarasynda» Analyq, N.Jıganovtyń «Altynshashynda» Toǵyzaq, P.Chaıkovskııdiń «Evgenıı Onegıninde» Larına, Dj. Pýchchınıdiń «Chıo-chıo-sanynda» Sýzýkı, Z. Ismagılovtyń «Qudashasynda» Shámsııa rólderi B.Áshimova somdaýynda múlde jańa qyrynan ashyldy. B.Áshimova óneriniń ekinshi qyry – kameralyq ánshiligi. Ol N. Tilendıevtiń «Kýá bol», «Mahabbat muńy», «Kúnder-aı», «Júregim meniń», «Sarjaılaý», «Sónbeıdi, áje, shyraǵyń» jáne Rahmadıevtiń «Bala ǵashyq», «Saǵyndym erkem», «Kúzde» ánderin alǵash ret oryndap, qalyń jurtshylyqtyń yqylasyna bólendi.
Konsertte Qazaqstannyń eńbek sińirgen qaıratkerleri Gúlzat Dáýirbaeva, Dına Hamzına
Halyqaralyq jáne respýblıkalyq baıqaýlardyń laýreattary Birjan Báziljan, Farhat Kýbıev, Ázıza Ábdreıim, Nurǵalym Amanbaı, Dııar Nursultanovtar óner kórsetedi. Baǵdarlamada N. Tilendıevtiń «Ata tolǵaýy» «Sónbeıdi áje, shyraǵyń», «Ájeme», «Saryjaılaý», «Ákeme», «Júregim meniń», «Almaty keshinde», «Kýá bol», «Kúnder-aı», «О́z elim» ánderi men kúıi, sondaı-aq, Qazaqtyń halyq áni «Ǵazızagúl qaraǵym-aı», «Jelbir jeken», «Ápıtók», Úkili Ybyraıdyń «Hararaý», О́mirbek Baıdildaevtyń «Týǵan el», Mákálim Qoıshybaevtyń «Ámýdarııa», Shámshi Qaldaıaqovtyń «Shynarym» ánderi oryndalady.
