Jazba derektegi Taraz

Is-shara bastalmas buryn kelýshiler mýzeıdiń uıymdastyrýymen ejelgi eksponattardan turatyn «Tarazdyń jaýhar jádigerleri» atty jyljymaly kórmeni tamashalady. Bas­qosýda alǵash sóz alǵan «Ejelgi Taraz eskert­kishteri» tarıhı-mádenı mýzeı-qory­ǵynyń dırektory Berik Júsip Taısııa Senıgovanyń jarty ǵasyr buryn jaryq kórgen monografııasyn qazaq tiline aýdaryp, Taraz jurtyn tól mádenıetimen, arheologııalyq muralarymen tanystyrý kerektigin tiline tıek etti. Sondaı-aq konferensııa barysynda «Taraz qalashyǵynyń arheologııalyq zerttelýi», «Taraz qalashyǵyn zerttegen kórnekti arheo­logter ja­ıyn­­daǵy estelikter», «Jam­byl ob­ly­synyń arheologııalyq ekspe­dı­sııa­larynyń dalalyq materıal­da­ry» jáne «T.N.Senıgovanyń «Or­ta­ǵasyrlyq Taraz» monografııa­sy – Ońtústik Qazaqstannyń orta­ǵasyrlyq qa­lalaryn zertteýdiń negizi» sekildi ózekti taqyryptar talqylandy.

Konferensııa barysynda Madııar Eleýov, Juman Smaılov, Dókeı Tá­leev, Serik Aqylbek, Eraly Aqym­bek, Borıs Jeleznıakov, Mámbet Sha­ǵyr­baev, Saýran Qalıev baıandama jasady. Is-sharaǵa Taısııa Senıgovanyń qyzy Inna Bochkareva Máskeýden beı­ne­baılanys arqyly qosylyp, uıym­dastyrýshylarǵa alǵysyn jetkizdi.

TARAZ