Balalar úıinde boldy

Qazaqstan Respýblıkasy Prezıdentiniń janyn­daǵy Adam quqyqtary jónindegi komıssııanyń músheleri Komıssııa tóraǵasy Qýanysh Sulta­novtyń basshylyǵymen «Astana qalasy ákimdiginiń Mamandandyrylǵan balalar úıi» memlekettik kommýnaldyq mekemesine baryp qaıtty. Týǵan kezinen bastap 4 jasqa deıin­gi balalar tolyq memleket tarapynan qamtamasyz etiletin Balalar úıine barýdyń maqsaty osy mekemedegi balalardyń ómir súrý jaǵdaıymen, olardyń Qazaq­stan Respýblıkasynyń Konstı­týsııasymen jáne qoldanystaǵy zańnamalyq aktilerimen, Qazaq­stannyń bala quqyqtaryn qorǵaý salasyndaǵy halyqaralyq min­det­temelerimen, atap aıtqanda, Birikken Ulttar Uıymynyń Ba­la qu­qyqtary týraly konven­sııa­sy­men kepildik berilgen quqyq­tary­nyń saqtalýymen tanysý boldy. Balalar úıiniń tárbıe­shil­eri­men, pedagogtarymen, psıholog ma­man­darymen jáne medısına qyz­metkerlerimen, basqa da qyzmetkerlerimen áńgimelesý barysynda Komıssııa músheleri balalardyń úılesimdi damý, densaýlyǵyn saqtaý jáne bilik­ti medısınalyq kómek alý kons­tı­týsııalyq quqyqtarynyń qamta­masyz etilýi, Qazaqstan men basqa shetel azamattarynyń balalardy asyrap alý máselelerine erekshe kóńil bóldi. Balalar úıine barǵanda jı­nalǵan materıaldar Komıssııanyń arnaıy baıandamasyna engiziletin bolady. Bul is-shara Prezıdent Ákim­shiliginiń jáne Prezıdent janyn­daǵy Adam quqyqtary jónin­degi komıssııanyń 2014 jylǵa ar­nal­ǵan jumys josparlaryna sáıkes jáne Balalardy qorǵaý­dyń halyqaralyq kúnine oraı júrgizildi. «Egemen-aqparat».