Kún tártibi qaralǵan otyrys

Qasym-Jomart Toqaevtyń tóraǵalyq etýimen Se­nat bıýrosynyń otyrysy boldy. Palata Tóraǵasy sena­tor Sergeı Plotnıkovty Agrarlyq máseleler, tabı­ǵatty paıdalaný jáne aýyldyq aýmaqtardy damytý komıtetiniń tóraǵasy laýazymyna saılanýymen qut­tyqtady, dep habarlady Senattyń baspasóz qyzmeti. Bıýro otyrysy barysynda 5 maýsymda bolatyn palatanyń kezekti otyrysynyń kún tártibine usynystar engizildi. Senat bi­rin­shi oqylymda Ákimshilik quqyq bu­zýshylyq týraly kodeks jobasyn jáne keıbir zańnamalyq akti­lerge ákimshilik quqyq buzý­shylyq týraly zańnama máse­leleri boıynsha ilespe túze­týler jobasyn qarastyrýdy josparlady. Qylmystyq ko­dek­s­tiń, Qylmystyq-atqarý ko­deks­i­niń jobalary jáne «Qazaq­stan Respýblıkasynyń keıbir zańnamalyq aktilerine qyl­mys­tyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda talqylanady. Senattyń komıtetteri men Apparatqa Májiliste maquldanǵan 2010 jylǵy 9 jeltoqsandaǵy Qa­zaq­stan Respýblıkasynyń Úkimeti men Reseı Federasııasynyń Úki­meti arasyndaǵy Qazaqstan Res­pýb­lıkasyna munaı jáne munaı ónimderin jetkizý salasyn­daǵy saýda-ekonomıkalyq ynty­maq­tastyq týraly kelisimge ózgerister engizý týraly hattamany ratıfıkasııalaý týraly zań jobasy berildi. Osy zań jobasy boıynsha bas komıtet bolyp Ekonomıkalyq saıasat, ınnovasııalyq damý jáne kásipkerlik komıteti belgilendi. Odan basqa, bıýro qaýly­symen Senattyń 2014 jylǵa arnalǵan negizgi is-sharalar jos­paryna óz­gerister engizildi.