Qazaqstan Respýblıkasy Mádenıet mınıstrliginiń buıryǵy № 41

2014 jylǵy 19 mamyr,  Astana qalasy «Qazaqstan Respýblıkasy Mádenıet mınıstrliginiń Til komıteti» memlekettik mekemesiniń erejesin bekitý týraly Buıyramyn: 1. Qosa berilip otyrǵan «Qazaqstan Respýblıkasy Mádenıet mınıstrliginiń Til komıteti» memlekettik mekemesiniń erejesi bekitilsin. 2. Qazaqstan Respýblıkasy Til komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) belgilengen tártippen osy buıryqtyń buqaralyq aqparat quraldarynda resmı jarııalanýyn; 3) osy buıryqtyń Qazaqstan Respýblıkasy Mádenıet mınıstrliginiń ınternet-resýrsynda ornalasýyn qamtamasyz etsin. 3. Osy buıryq onyń alǵash ret resmı jarııalanǵan kúninen bastap qoldanysqa engiziledi. Mınıstrdiń mindetin atqarýshy A. BО́RIBAEV. Qazaqstan Respýblıkasy Mádenıet mınıstriniń m.a. 2014 jylǵy 19 mamyrdaǵy № 41 buıryǵymen bekitilgen «Qazaqstan Respýblıkasy Mádenıet mınıstrliginiń Til komıteti» memlekettik mekemesi týraly Ereje 1. Jalpy erejeler 1. Qazaqstan Respýblıkasy Mádenıet mınıstrliginiń Til komıteti memlekettik mekemesiniń (budan ári - Komıtet) ózine júktelgen fýnksııalardy iske asyratyn Qazaqstan Respýblıkasy Mádenıet mınıstrliginiń (budan ári - Mınıstrlik) vedomstvosy bolyp tabylady. Komıtettiń negizgi mindetteri memlekettik saıasatty jáne tilderdi damytý salasyndaǵy memlekettik baqylaýdy júzege asyrý bolyp tabylady. 2. Komıtet óz qyzmetinde Qazaqstan Respýblıkasynyń Konstıtýsııasyn, Qazaqstan Respýblıkasy­nyń zańdaryn, Qazaqstan Respýblıkasy Prezıdentiniń jáne Úkimetiniń aktilerin, ózge de normatıvtik quqyqtyq aktilerdi, sondaı-aq osy Erejeni basshylyqqa alady. 3. Komıtet memlekettik mekemeniń uıymdastyrýshylyq-quqyqtyq nysanyndaǵy zańdy tulǵa bolyp tabylady, oqshaýlanǵan múlki, memlekettik tilde óz ataýy jazylǵan móri men mórtabandary, belgilengen úlgidegi blankileri, sondaı-aq zańnamaǵa sáıkes qazynashylyq organdarynda esep shottary bar. Komıtet azamattyq-quqyqtyq qatynastarǵa óz atynan túsedi. Komıtettiń, eger oǵan zańnamaǵa sáıkes ýákilettigi bolsa, memlekettiń atynan azamattyq-quqyqtyq qatynastardyń taraby bolýǵa quqyǵy bar. 4. Komıtet óz quzyretindegi máseleler boıynsha zańnamada belgilengen tártippen Tóraǵanyń nemese ony aýystyrýshy tulǵanyń buıryqtarymen resimdeletin sheshimder qabyldaıdy. 5. Komıtettiń qurylymy men shtat sany Qazaqstan Respýblıkasy Mádenıet mınıstriniń kelisimi boıynsha Mınıstrliktiń jaýapty hatshysymen bekitiledi. 6. Komıtettiń zańdy meken-jaıy: 010000, Astana qalasy, Esil aýdany, Orynbor kóshesi, № 8-úı, «Mınıstrlikter úıi» ǵımaraty, 15-kireberis. 7. Komıtettiń tolyq ataýy – «Qazaqstan Respýblıkasy Mádenıet mınıstrliginiń Til komıteti» memlekettik mekemesi. 8. Osy Ereje Komıtettiń quryltaı qujaty bolyp tabylady. 9. Komıtettiń qyzmetin qarjylandyrý respýblıkalyq bıýdjetten júzege asyrylady. Komıtetke óziniń fýnksııasy bolyp tabylatyn mindetterdi oryndaý turǵysynda kásipkerlik sýbektilerimen sharttyq qatynastarǵa túsýge tyıym salynady. Eger Komıtetke Qazaqstan Respýblıkasynyń zańnamalyq aktilerimen kirister ákeletin qyzmetti júzege asyrý quqy berilse, onda mundaı qyzmetten túsken kirister bıýdjettiń kirisine joldanady. 10. Komıtet Mınıstrliktiń qaramaǵyndaǵy til damytý salasyndaǵy respýblıkalyq memlekettik qazynalyq kásipornyn basqarýdy iske asyratyn organ bolyp tabylady: 1) «Shaısultan Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy» Respýblıkalyq memlekettik qazynalyq kásiporny. 2. Komıtettiń fýnksııalary 11. Komıtet qoldanystaǵy zańnamaǵa jáne oǵan júktelgen mindetterge sáıkes mynalardy júzege asyrady: 1) til saıasaty, shetelde turatyn otandastardy qoldaý salalaryndaǵy memlekettik jáne salalyq (sektoraldyq) baǵdarlamalardy iske asyrý; 2) til saıasaty boıynsha Mınıstrliktiń strategııalyq josparlaryna, memlekettik jáne salalyq (sektoraldyq) baǵdarlamalarǵa usynystar engizý; 3) Qazaqstan Respýblıkasynda memlekettik tildiń jan-jaqty damýyn qamtamasyz etý, onyń halyqaralyq bedelin nyǵaıtý; 4) tilderdi damytý salasyndaǵy birtutas memlekettik saıasatty iske asyrý qyzmeti boıynsha aqparattyq, ádistemelik qamtamasyz etýdi uıymdastyrý; 5) Qazaqstan Respýblıkasy Úkimetiniń janyndaǵy Respýblıkalyq termınologııa jáne onomastıka komıssııalarynyń, Memlekettik til saıasatyn odan ári jetildirý jónindegi komıssııanyń qyzmetin qamtamasyz etý, jergilikti atqarýshy organdar janyndaǵy onomastıka komıssııalarynyń jumysyn úılestirý; 6) vedomstvolyq baǵynystaǵy uıymdardy qurý, qaıta uıymdastyrý jáne taratý jóninde Mınıstrlikke usynystar engizý; 7) vedomstvolyq baǵynystaǵy uıymdardyń qyzmetine basshylyqty júzege asyrý; 8) Qazaqstan Respýblıkasynyń zańnamasynda belgilengen tártippen vedomstvolyq baǵynystaǵy uıymdardyń quryltaı qujattaryna tolyqtyrýlar men ózgerister engizý; 9) respýblıkalyq bıýdjettik baǵdarlamalardy iske asyrý; 10) memlekettik satyp alý salasyndaǵy qyzmetti júzege asyrý; 11) ortalyq jáne oblystardyń, respýblıkalyq mańyzy bar qalanyń, astananyń jergilikti atqarýshy organdarynda Qazaqstan Respýblıkasynyń til týraly zańnamasynyń saqtalýyn baqylaý; 12) Qazaqstan Respýblıkasynyń til týraly zańnamasymen belgilengen talaptardy buzýshylyqtardy joıý týraly usynymdar berý; 13) Qazaqstan Respýblıkasynyń til týraly zańnamasynyń buzylýyna kináli laýazymdy tulǵalarǵa tártiptik jaza sharalaryn qoldaný týraly tıisti organdarǵa usynystar engizý; 14) memlekettik jáne salalyq (sektoraldyq) baǵdarlamalardy iske asyrý boıynsha qoǵamdyq uıymdarmen ózara is-qımyldy júzege asyrý; 15) «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń Zańyna sáıkes vedomstvolyq statıstıkalyq eseptiliktiń, tekserý paraqtarynyń nysandaryn, táýekel dárejesin baǵalaý krıterıılerin, jyl saıynǵy tekserý josparlaryn ázirleý jáne bekity jóninde usynystar engizý; 16) osy Erejede, Qazaqstan Respýblıkasynyń zańdarynda, Qazaqstan Respýblıkasynyń Prezıdenti men Úkimetiniń aktilerinde kózdelgen ózge de fýnksııalardy júzege asyrý. 12. Komıtettiń ózine júktelgen mindetterdi iske asyrý jáne óz fýnksııalaryn júzege asyrý úshin zańnamada belgilengen tártippen: 1) óziniń quzyreti sheginde quqyqtyq aktiler shyǵarýǵa; 2) memlekettik organdardan, uıymdardan, olardyń laýazymdy tulǵalarynan qajetti aqparat pen materıaldardy suratýǵa jáne alýǵa; 3) tilderdi damytý salasynda normatıvtik quqyqtyq aktiler ázirleý boıynsha usynystar engizýge; 4) Komıtettiń quzyretine kiretin máseleler boıynsha semınarlar, konferensııalar, dóńgelek ústelder, baıqaýlar jáne ózge de is-sharalar ótkizýge; 5) jetekshilik etetin qyzmet baǵyttary boıynsha konsýltatıvtik-keńesshi organdar (jumys toptaryn, komıssııalar, keńester) qurýǵa; 6) vedomstvolyq baǵynysty uıymdarǵa qatysty memlekettik basqarý organy bolýǵa; 7) jeke jáne zańdy tulǵalar til týraly zańnamanyń talaptaryn oryndamaǵan jaǵdaıda Qazaqstan Respýblıkasynyń zańnamasynda belgilengen tártippen jáne negizderde sotqa shaǵymdanýǵa; 8) Qazaqstan Respýblıkasynyń zańnamalyq aktilerinde kózdelgen basqa da quqyqtardy júzege asyrýǵa quqyǵy bar. 3. Komıtettiń qyzmetin uıymdastyrý 13. Komıtetti Qazaqstan Respýblıkasynyń zańnamasymen belgilengen tártippen Qazaqstan Respýblıkasy Mádenıet mınıstri qyzmetke taǵaıyndaıtyn jáne qyzmetten bosatatyn Tóraǵa basqarady. 14. Tóraǵanyń Mınıstrliktiń Jaýapty hatshysynyń kelisimi boıynsha Qazaqstan Respýblıkasy Mádenıet mınıstri qyzmetke taǵaıyndaıtyn jáne qyzmetten bosatatyn eki orynbasary bolady. 15. Komıtet tóraǵasy Komıtetke jalpy basshylyq etýdi júzege asyrady jáne Komıtetke júktelgen mindetterdiń oryndalýy men onyń óz fýnksııalaryn júzege asyrýy úshin derbes jaýapkershilikte bolady. 16. Komıtet tóraǵasy: 1) óziniń orynbasarlary men Komıtettiń qurylymdyq bólimsheleri basshylarynyń ókilettikterin jáne mindetterin aıqyndaıdy; 2) eńbek qatynastary máseleleri joǵary turǵan memlekettik organdar men laýazymdyq tulǵalardyń quzyretine jatqyzylǵan qyzmetkerlerden basqa, Komıtet qyzmetkerlerin qyzmetke taǵaıyndaıdy jáne qyzmetten bosatady; 3) eńbek qatynastary máseleleri joǵary turǵan memlekettik organdar men laýazymdyq tulǵalardyń quzyretine jatqyzylǵan qyzmetkerlerden basqa, Komıtet qyzmetkerleriniń issaparǵa jiberý, eńbek demalysyn berý, materıaldyq kómek kórsetý, daıarlaý (qaıta daıarlaý), biliktiligin arttyrý, yntalandyrý, ústemaqy tóleý jáne syıaqy berý, sondaı-aq tártiptik jaýapkershilike tartý máselelerin sheshedi. 4) jetekshilik etetin vıse-mınıstr men Mınıstrdiń kelisimderi boıynsha vedomstovaǵa baǵynysty uıymdardyń basshylary jáne olardyń orynbasarlaryn qyzmetke taǵaıyndaıdy jáne qyzmetten bosatady; 5) óz quzyreti sheginde Komıtettiń, vedomstvolyq baǵynystaǵy uıymdardyń qyzmetkerleri úshin oryndalýy mindetti buıryqtar shyǵarady, nusqaýlar jasaıdy; 6) memlekettik organdarda jáne ózge de uıymdarda qoldanystaǵy zańnamaǵa sáıkes Komıtetti bildiredi; 7) Komıtettiń qurylymdyq bólimsheleriniń erejelerin bekitedi; 8) Komıtet jumysynyń reglamentin bekitý týraly usynys engizedi; 9) Komıtette sybaılas jemqorlyqqa qarsy áreketke baǵyttalǵan sharalar qabyldaıdy jáne sybaılas jemqorlyqqa qarsy sharalar qabyldaǵany úshin derbes jaýapkershilikte bolady; 10) respýblıkalyq bıýdjettik baǵdarlamalardy iske asyrý jáne memlekettik satyp alý baǵytyndaǵy qyzmetterdi júzege asyrýda derbes jaýapkershilikte bolady; 11) óz quzyretine jatatyn ózge de máseleler boıynsha sheshimder qabyldaıdy. 17. Tóraǵa bolmaǵan jaǵdaıda Komıtet qyzmetiniń jalpy basshylyǵy men Komıtetke júktelgen mindetter jáne fýnksııalardy oryndaýǵa derbes jaýapkershilikte bolý Tóraǵa orynbasarlarynyń birine júkteledi. 18. Komıtettiń konsýltasııalyq keńesshi organ bolyp tabylatyn alqasy bolýy múmkin. Alqanyń sandyq jáne jeke quramyn jetekshilik etetin vıse – mınıstrdiń kelisimimen Tóraǵa bekitedi. 19. Komıtet qyzmetin uıymdastyrýdyń ózge máseleleri, onyń qyzmetin qamtamasyz etetin laýazymdy tulǵalardyń quqyqtary men mindetteri, qurylymdyq bólimshelerdiń quzyrettiligi men ýákilettiligi Mınıstrliktiń, Komıtettiń jumys reglamentterimen, Komıtettiń qurylymdyq bólimsheleriniń erejelerimen belgilenedi. 4. Komıtettiń múlki 20. Komıtettiń jedel basqarý quqyǵyndaǵy oqshaýlanǵan múlki bar. Komıtet múlki oǵan memleket bergen múliktiń esebinen, sondaı-aq quny Komıtettiń teńgeriminde kórsetiletin ózge de múlikterden qalyptasady. 21. Komıtetke bekitilip berilgen múlik respýblıkalyq menshikke jatady. 22. Komıtettiń ózine bekitilgen múlikti, Qazaqstan Respýblıkasy zańdarynda ózgeshe belgilenbese, óz betimen ıelikten shyǵarýǵa nemese oǵan basqa da jolmen bılik etýge quqyǵy joq. 5. Komıtetti qaıta uıymdastyrý jáne taratý 23. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady. Buıryq Qazaqstan Respýblıkasynyń Ádilet mınıstrliginde 2014 jylǵy 28 sáýirdegi Normatıvtik quqyqtyq kelisimderdi memlekettik tirkeýdiń tizilimine №9474 bolyp engizildi.