Álem jańalyqtary

Sharaına

Ispan monarhy taqtan bas tartty 76 jastaǵy ıspan monarhy Hýan Karlos taqtan bas tartty. Endi onyń uly Felıpe korol bolady. Hýan Karlos 39 jyl boıyna memleket basshysy bolyp kelgen edi. Onyń taqtan bas tartqany týraly Ispanııa premer-mınıstri Marıano Rahoı habarlaǵan. Joǵary mártebeli korol Hýan Karlos óz uly, hanzada Felıpeniń paıdasyna taqtan bas tartty, dep málimdegen mınıstrler kabınetiniń basshysy. Sońǵy jyldary Hýan Karlostyń densaýlyǵy syr bere bastaǵan bolatyn. Ol 2012 jyly Botsvanada pil aýlaý kezinde myqynyn úsh jerden syndyryp alǵan edi. Ota jasaý sátsiz ótip, ınfeksııa túsýine baılanysty 2013 jyly  monarhqa ekinshi ret operasııa jasaýǵa týra kelgen. Sonymen birge, pil aýlaýdyń Hýan Karlostyń bedeline nuqsan keltirgenin de aıta ketý kerek. Onyń ańshylyqpen kóńil kóterýi janýarlardy qorǵaýshylarǵa unaǵan joq. Peleniń uly 33 jylǵa sottaldy «Santos» klýbynyń burynǵy qaqpashysy, dańqty fýtbolshy Peleniń uly Edson Cholbı Nasımentý esirtki saýdasymen aınalysqany úshin 33 jylǵa bas bostandyǵynan aıyryldy. Kóshedegi jarysqa qatysyp, sonyń saldarynan bir motosıklshiniń qaza tabýyna baılanysty ol alty aıǵa bas bostandyǵynan aıyrylǵandyqtan, qaqpashyǵa 29 jasynda sporttan ketýge týra kelgen edi. Al 2005 jyly ol kokaın satqany úshin qamaýǵa alynyp, 2006 jyly bostandyqqa shyqqan. Aıta ketý kerek, onyń ákesi Pele úsh dúrkin álem chempıony, FIFA nusqasy boıynsha HH ǵasyrdyń eń úzdik fýtbolshysy. Brazılııa quramasy qatarynda 92 match ótkizip, qarsylastar qaqpasyna 77 dop soqqan. Tel-Avıv qarsy soqqy jasady Izraıl áskeri Sırııa tarapynan bolǵan atqylaýlarǵa artıllerııadan oq jaýdyrdy jáne Gaza sektorynan jiberilgen zymyranǵa qarsy jaýap retinde áýe soqqylaryn jasady. Sırııa jaǵynan atylǵan snarıad Tel-Avıvtiń baqylaýyndaǵy Golan qyrqasy aýmaǵyna túsip jarylǵan bolatyn. Zardap shekkender týraly aqparat joq. Bul oqıǵa Palestınanyń biregeı úkimeti ant qabyldaýǵa birneshe saǵat qalǵanda oryn aldy. Ol FATH jáne HAMAS qozǵalystarynyń ózara bitimge kelýi nátıjesinde qurylǵan bolatyn. Goland qyrqasynyń jıi-jıi oq astynda qalatynyn aıta ketý kerek. Jáne sırııalyq oppozısııa men úkimet áskerleri arasyndaǵy qaqtyǵys barysynda snarıadtar kóptegen jaǵdaılarda bul jerge kezdeısoqtan da kelip túsip jatady. Úndistanda jańa shtat paıda boldy Úndistannyń ońtústigindegi Andhra-Pradesh shtaty resmı túrde eki bólikke bólinip, onyń soltústik aýmaǵynda jańa 29-shy shtat quryldy. Oǵan Telangana degen ataý berilgen. Jańa shtat qurý týraly sheshimdi úndi bıligi ústimizdegi jyldyń aqpan aıynda qabyldaǵan bolatyn. Jergilikti turǵyndar óńirdiń jetkiliksiz qarjylandyrylatynyna uzaq ýaqyttar boıy narazylyq bildirip keldi. Andhra-Pradeshtiń astanasy bolyp tabylatyn Haıdarabad qalasy jańa paıda bolǵan qurylymnyń da ákimshilik ortalyǵy bolyp tabylady. Andhra-Pradeshtiń óz ákimshilik ortalyǵy paıda bolǵanǵa deıin Haıdarabad 10 jyl boıy eki shattyń astanasy bolyp qala beredi. Cherchılldiń kishi qyzy dúnıeden ótti Ulbrıtanııada 92 jasqa qaraǵan shaǵynda Ýınston Cherchılldiń kishi qyzy Merı Soams qaıtys boldy. Bul týraly 1 maýsym kúni VVS News agenttigi habarlady. Týǵandaǵy aty-jóni boıynsha Merı Spenser-Cherchıll Ekinshi dúnıejúzilik soǵys jyldarynda kómekshi qyzmettiń kishi ofıseri shenine ıe boldy. Ol kóptegen mańyzdy saparlarda, sonyń ishinde 1945 jyly Cherchıll amerıkalyq prezıdent Garrı Trýmenmen jáne keńestik kósem Iosıf Stalınmen kezdesip, Germanııa men Eýropanyń soǵystan keıingi bolashaǵyn talqylaǵan Potsdam konferensııasyna barǵan kezde de ákesiniń qasynda erip júrdi. Sońǵy jyldary Merı Soams qaıyrymdylyqpen aınalysyp, ómirbaıandyq kitaptar jazdy. Reseı EKPA sessııasyna qatyspaıdy Memlekettik Dýmanyń halyqaralyq ister jónindegi komıtetiniń tóraǵasy Alekseı Pýshkov reseılik delegasııanyń Eýropa keńesi Parlamenttik assambleıasynyń maýsym aıyndaǵy sessııasyna qatyspaıtynyn málimdedi. Biz bizdiń delegasııaǵa qarsy sanksııa kúshinde turǵan kezinde assambleıamen qyzmettestikti ýaqytsha toqtatamyz, dep atap ótken ol «Izvestııa» gazetine bergen suhbatynda. Onyń aıtýynsha, 26 mamyrda, EKPA Prezıdenttik komıtetiniń múshesi Tını Kokske, ol Máskeýge kelip, Memlekettik Dýma tóraǵasy Sergeı Naryshkınmen kezdesken kezde málim etilgen. Onyń syrtynda osydan birneshe kún buryn Naryshkın EKPA tóraıymy Anna Brasserdiń atyna joldaǵan hatta da ol týraly naqty aıtylǵan. Korporatıvtik ushaq apatqa ushyrady Gulfstream jeke ushaǵy Hensk-fıld áýejaıynyń ushý-qoný jolaǵynan asa berip, shamamen alǵanda Boston qalasynan 30 shaqyrym jerde jarylǵan. Jergilikti bıliktiń aqparatynsha, korporatıvtik ushaq bortyndaǵy 7 adamnyń bári de qaza tapqan. Ushaq 31 mamyr kúni AQSh-tyń «oıyn astanasy» Atlantık-Sıtıge ushyp barýǵa tıis bolatyn. Qaza tapqandardyń aty-jónderi men qaıǵyly oqıǵanyń sebepteri ázirge aıtylmaı otyr. Tergeý jumystarymen Kóliktegi ulttyq qaýipsizdik basqarmasy men Federaldyq avıasııa basqarmasy aınalysýda. Boston halyqaralyq áýejaıynyń áriptesi retinde jumys istep kelgen aerodrom osy oqıǵadan keıin birjola jabylǵan. Internet materıaldary negizinde ázirlendi.