Atyraýlyqtar Eýrazııalyq ekonomıkalyq odaqtan úlken úmit kútedi

ASTANA. 4 maýsym. Atyraý oblysynyń shaǵyn jáne orta bıznes ókilderi Eýrazııalyq ekonomıkalyq odaqtan tıimdi kelisim-sharttar kútip otyr. Bul týraly «24kz» habarlady. 2013 jyly Atyraý oblysy men Reseı jáne Belarýs elderi arasyndaǵy taýar aınalymy 300 mln. dollardy quraǵan. Aldaǵy ýaqytta bul kórsetkish ulǵaıa túsedi dep kútilýde. Belarýs respýblıkasy Gomel oblysy gýbernatorynyń orynbasary Boleslav Pırshtýk: «Kedendik túrli kedergilerdiń joıylýy, jumys kúshi men ınvestısııanyń erkin qozǵalysqa túsýi bıznestiń damýyna oń yqpal etedi. Sondyqtan biz ekonomıkalyq qatynastardy jandandyra túsýimiz kerek. Bul rette Qazaqstannan úırenetinimiz kóp. Sebebi Qazaqstanda shaǵyn jáne orta bızneske memleket tarapynan qamqorlyq kóp. Biz osy úrdisti ózimizde paıdalanýdy josparlap otyrmyz», – dedi. Sol sııaqty, iri kásiporyndar da sheteldik kompanııalarmen iskerlik áriptestiktiń jańa kezeńine shyqpaq. Aldaǵy ýaqytta oblystyń shaǵyn jáne orta bıznes ókilder Reseı men Belarýs naryǵyna batyl qadam basýǵa umtylys bildirýde. Búginde Atyraý oblysynda Reseı men Belarýs kapıtalynyń qatysýymen 200-den astam birlesken kásiporyn bar. Joldybaı Bazar. Derekkóz: «24kz». Foto: ortcom.kz.