Á.Smaıylov Memleket basshysynyń óńir ákimi laýazymyna Baıhanov Asaıyn Qýandyquly men Batyrǵojınov Serik Barlybaıulynyń kandıdatýralaryn qaraýǵa engizý týraly hatyn oqydy.
Ashyq daýys berý kezinde 177 depýtattyń 135-i A.Baıhanovqa, 42 depýtat S.Batyrǵojınovqa daýys berdi.
Osydan keıin oblys aktıvimen ótken kezdesýde Premer-Mınıstr ákimdik basshylyǵynyń aldynda turǵan basym mindetteriniń biri ınfraqurylymdy jańǵyrtý ekenin atap ótti.
«Qazir jylytý maýsymy júrip jatyr. О́kinishke qaraı, Ekibastuz qalasynyń jylý jelilerinde apat bolyp, turǵyndar jylýsyz qalǵan edi. Jan aıamaı jumys istegen mamandardyń arqasynda jylý berý qalpyna keltirildi. Qazirgi kezde apattyń sebepteri anyqtalyp jatyr, nátıjesi shyqqan soń kináliler jaýapqa tartylatyn bolady. Ákimdik bul máseleni erekshe nazarǵa alyp, jylytý maýsymynyń qalypty jaǵdaıda ótýin qamtamasyz etýi kerek», dedi Á.Smaıylov.
Sonymen qatar Úkimet basshysynyń aıtýynsha, óńir basshylyǵynyń aldynda aýyldyq densaýlyq saqtaýdy jańǵyrtý boıynsha jáne «Jaıly mektep» ulttyq jobalaryn, sondaı-aq taý-ken óndirý sektoryn, metallýrgııany, hımııa ónerkásibin, qurylys ındýstrııasyn jáne basqa da negizgi salalardy damytý jónindegi sharalardy sapaly iske asyrý mindetteri tur.
Budan basqa, iri óndiris oshaqtarynyń jumysyna baılanysty óńirdegi ekologııalyq ahýal kúrdeli. Respýblıka boıynsha shyǵaryndylardyń jalpy kóleminiń shamamen 30%-y Pavlodar oblysyna tıesili. Osyǵan baılanysty oblys basshylyǵy zııandy óndiristik shyǵaryndylardyń qorshaǵan ortaǵa teris áserin azaıtý jónindegi jumysqa nazar aýdarýy qajet.
«Sonymen qatar kásiporyndar óndiristik prosesti jańǵyrtýǵa, ınvestısııalardy ulǵaıtýǵa, jumyskerlerge áleýmettik qoldaý kórsetýge kóńil bólýge tıis», dedi Á.Smaıylov.
