Memleket basshysy Býrabaıda sheteldik ınvestorlarmen kezdesedi

ASTANA. 5 maýsym. Memleket basshysy Nursultan Nazarbaevtyń tóraǵalyǵymen 12-13 maýsym kúnderi sheteldik ınvestorlar keńesiniń 27-shi jalpy otyrysy ótedi. Atalǵan jıynda sheteldik ınvestorlardyń elimizdiń ekinshi ındýstrııalyq-ınnovasııalyq besjyldyǵyna qatysý máseleleri talqylanady. Bul týraly Baılanys jáne aqparat agenttigi habarlady. Basqosýda negizgi baıandamashylar retinde Úkimet basshysynyń orynbasary,  Indýstrııa jáne jańa tehnologııalar mınıstri Á.Isekeshev jáne Eýropalyq Qaıta qurý jáne damý bankiniń prezıdenti Ser Sýma Chakrabartı sóz sóıleıdi. Jıynda bulardan bólek, «Azııalyq damý banki», «Eýrazııalyq tabıǵı resýrstar korporasııasy», «Beıker men Makenzı», «Sberbank», «Bı Djı Grýpp», «Djeneral elektrık», «LÝKOIL», «Kameko», «ShELL» sııaqty kompanııalardyń basshylary óz pikirlerin ortaǵa salady. Esterińizge sala keteıik, sheteldik ınvestorlar keńesi Prezıdenttiń tóraǵalyǵymen ótetin koncýltasııalyq-keńesshi organ. Onyń quramyna 35 sheteldik kompanııa men halyqaralyq uıymdardyń basshylary bar. Joldybaı Bazar. Derekkóz: Baılanys jáne aqparat agenttigi. Foto: akorda.kz.