«Marqum Ulttyq ulan sapynda 2021 jyldan beri qyzmet etedi. Ol Aqtóbe oblysynan kelgen. Baılanys mamany-saper qyzmetin atqarǵan. Jigit nekede emes. Qaıǵyly oqıǵa týraly týystaryna habarlandy. Qazir naqtylaý sharalary júrgizilýde. Bul jantúrshigerlik oqıǵa», dedi Aqtaý garnızonynyń áskerı prokýrory Erlan Qutqoja.
Eske salaıyq, Májilis depýtaty Natalıa Dementeva jaqynda «Áskerı polısııa organdary týraly» zań jobasyn talqylaý barysynda Qorǵanys mınıstrligine júgingen bolatyn. Onyń aıtýynsha, qabyldanǵan sharalarǵa qaramastan, áskerı ortada jıi jaýyngerlik emes shyǵyndarǵa ákeletin kúsh qoldaný, áskerı qyzmetshilerdiń ar-namysy men qadir-qasıetin qorlaý faktileri áli de joıylmaı keledi.
«Bul fakt qoǵamda úlken alańdaýshylyq týǵyzady jáne osy sebepti kóptegen ata-analar uldarynyń ómiri men densaýlyǵy úshin qaýiptenip, olardy áskerge jiberýge qorqatynyn moıyndaý kerek», dedi N.Dementeva.
