Sonaý toqsanynshy jyldardyń «toqyraý zamany» kezinde aýyl-aımaqtyń ajary azyp, kóptegen jumystardy qolǵa alýǵa múmkindik bolmaǵany jasyryn emes. Ol kezde aýyl-aımaqty abattandyrý, jaqsartý jumystary bylaı tursyn, ár adamnyń óziniń qarabasy men otbasyn asyrýdyń ózi qıyn bolǵanyn jasyryp qaıtemiz. Al qazir she? Jaǵdaıymyz túzelip, el qatarly ómir súrýdemiz.
Jalpaqtal aýdanymyzdaǵy irgeli aýyldardyń biri. 5000-nyń ústinde halqy bar aýyldyń jaǵdaıy kún ótken saıyn jaqsaryp keledi. Búginde ár otbasy óziniń jaǵdaıyn durystaýǵa ózderi talpyna bastaǵanyna shúkirshilik deımiz. Buryn ár otbasy úı salý bylaı tursyn, qora-qopsysyn jóndeýge shamalary kelmeıtin edi. О́tken jyldan beri aýyl turǵyndary óz qarajaty esebinen jańa úı salyp, úıleriniń aýlasy túrli-tústi qańyltyrlarmen qaptalyp jatqany qýanarlyq jaǵdaı. Onyń ústine jeke kásipkerlerimizdiń saýda úıin, shaǵyn dúkenderdi salǵanyn qosyńyz. Sonymen qatar, byltyrǵy jyly óz qarajaty esebinen Aıdos Sársenǵalıev meshit munarasyn turǵyzyp, el alǵysyna bólendi. Al 1969 jylǵy aýylymyzdyń el aǵalary mádenıet úıiniń alańyn jańartyp, sýburqaq, órnek tastarmen órilgen jol salǵandaryn maqtanysh sezimmen aıtamyz. Naǵyz eldiń patrıottary deýge turarlyq jaǵdaı. Keshkisin sol «arbat» boıyna shyǵa qalsań, balalarymen demalyp júrgen otbasylaryn, balǵyn búldirshinderdi kórgende quddy bir qalada júrgendeı bolasyń.
Osyndaı ıgi dástúr bıyl da óz jalǵasyn tapty. Mektep bitirgenderine 20 jyl tolǵan 1977 jylǵy aýylymyzdyń azamattary ózderi qarajat jınap, ortalyq saıabaqtyń ishinen shaǵyn sport alańyn salýdy josparlaǵan bolatyn. Sol josparlary iske asyp, qazirgi ýaqytta jumystary birkelki júrip jatyr. Elbasy Nursultan Nazarbaevtyń halyqqa arnaǵan ótken jylǵy Joldaýynda buqaralyq sportty jandandyrýǵa baılanysty sport salasyna erekshe mańyz berildi. Jastardyń bos ýaqyttaryn tıimdi paıdalanyp, salamatty ómir saltyn nasıhattaýǵa jáne turǵyndardyń turaqty túrde deneshynyqtyrý jáne sportpen aınalysýyna bul ıgi sharalardyń atqarar mańyzy zor. Bul sport alańynyń ishinde shaǵyn fýtbol, basketbol oıyndaryn oınaýǵa jaǵdaı jasalǵan. Sport alańynyń aınalasy qorshalyp, jasandy kók shóptermen kómkeriletin bolady.
Týǵan aýylymyzǵa osyndaı alań salýdaǵy basty maqsatymyz jasóspirimderdi sportqa baýlyp, ult densaýlyǵynyń eń basty kepili – salamatty ómir saltyn qalyptastyrý. Aýylymyzda ótken jyly «69-jylǵylar» atanyp ketken el aǵalarynyń jasaǵan isterin kórip, bizder de týǵan jerimizdiń kórkeıýine óz úlesimizdi qosýdy jón sanadyq. Sport alańyn aýyl shetinen de salýǵa bolar edi, ol jerge jastarymyzdyń biri barsa, biri bara almaı, sol kúıinde qalýy múmkin. Sondyqtan da biz ortalyq saıabaq ishinen salýdy jón kórdik. Aýyl jastary kóp jınalyp, biri qydyryp júrse, keıbireýleri osy alańǵa kelip, sporttyq oıyndar oınaıtyn bolady. Aldaǵy kúnderi bitetin bolady. Osy alańda bolashaqta bizdiń ul-qyzdarymyz jattyǵyp, naǵyz sportshy patrıottar shyǵatynyna kámil senemiz, deıdi 1977 jyly týǵan Jalpaqtal aýylynyń azamattary.
«Eldiń atyn er shyǵarady» demekshi, týǵan eldiń jarqyn keleshegi úshin qazirdiń ózinde úlken tirlikter atqaryp júrgen jalpaqtaldyq azamattardyń munysy maqtaýǵa turarlyq is.
Turarbek AQMÝRZIN.
Batys Qazaqstan oblysy,
Qaztalov aýdany,
Jalpaqtal aýyly.
Jalpaqtal aýdanymyzdaǵy irgeli aýyldardyń biri. 5000-nyń ústinde halqy bar aýyldyń jaǵdaıy kún ótken saıyn jaqsaryp keledi. Búginde ár otbasy óziniń jaǵdaıyn durystaýǵa ózderi talpyna bastaǵanyna shúkirshilik deımiz. Buryn ár otbasy úı salý bylaı tursyn, qora-qopsysyn jóndeýge shamalary kelmeıtin edi. О́tken jyldan beri aýyl turǵyndary óz qarajaty esebinen jańa úı salyp, úıleriniń aýlasy túrli-tústi qańyltyrlarmen qaptalyp jatqany qýanarlyq jaǵdaı. Onyń ústine jeke kásipkerlerimizdiń saýda úıin, shaǵyn dúkenderdi salǵanyn qosyńyz. Sonymen qatar, byltyrǵy jyly óz qarajaty esebinen Aıdos Sársenǵalıev meshit munarasyn turǵyzyp, el alǵysyna bólendi. Al 1969 jylǵy aýylymyzdyń el aǵalary mádenıet úıiniń alańyn jańartyp, sýburqaq, órnek tastarmen órilgen jol salǵandaryn maqtanysh sezimmen aıtamyz. Naǵyz eldiń patrıottary deýge turarlyq jaǵdaı. Keshkisin sol «arbat» boıyna shyǵa qalsań, balalarymen demalyp júrgen otbasylaryn, balǵyn búldirshinderdi kórgende quddy bir qalada júrgendeı bolasyń.
Osyndaı ıgi dástúr bıyl da óz jalǵasyn tapty. Mektep bitirgenderine 20 jyl tolǵan 1977 jylǵy aýylymyzdyń azamattary ózderi qarajat jınap, ortalyq saıabaqtyń ishinen shaǵyn sport alańyn salýdy josparlaǵan bolatyn. Sol josparlary iske asyp, qazirgi ýaqytta jumystary birkelki júrip jatyr. Elbasy Nursultan Nazarbaevtyń halyqqa arnaǵan ótken jylǵy Joldaýynda buqaralyq sportty jandandyrýǵa baılanysty sport salasyna erekshe mańyz berildi. Jastardyń bos ýaqyttaryn tıimdi paıdalanyp, salamatty ómir saltyn nasıhattaýǵa jáne turǵyndardyń turaqty túrde deneshynyqtyrý jáne sportpen aınalysýyna bul ıgi sharalardyń atqarar mańyzy zor. Bul sport alańynyń ishinde shaǵyn fýtbol, basketbol oıyndaryn oınaýǵa jaǵdaı jasalǵan. Sport alańynyń aınalasy qorshalyp, jasandy kók shóptermen kómkeriletin bolady.
Týǵan aýylymyzǵa osyndaı alań salýdaǵy basty maqsatymyz jasóspirimderdi sportqa baýlyp, ult densaýlyǵynyń eń basty kepili – salamatty ómir saltyn qalyptastyrý. Aýylymyzda ótken jyly «69-jylǵylar» atanyp ketken el aǵalarynyń jasaǵan isterin kórip, bizder de týǵan jerimizdiń kórkeıýine óz úlesimizdi qosýdy jón sanadyq. Sport alańyn aýyl shetinen de salýǵa bolar edi, ol jerge jastarymyzdyń biri barsa, biri bara almaı, sol kúıinde qalýy múmkin. Sondyqtan da biz ortalyq saıabaq ishinen salýdy jón kórdik. Aýyl jastary kóp jınalyp, biri qydyryp júrse, keıbireýleri osy alańǵa kelip, sporttyq oıyndar oınaıtyn bolady. Aldaǵy kúnderi bitetin bolady. Osy alańda bolashaqta bizdiń ul-qyzdarymyz jattyǵyp, naǵyz sportshy patrıottar shyǵatynyna kámil senemiz, deıdi 1977 jyly týǵan Jalpaqtal aýylynyń azamattary.
«Eldiń atyn er shyǵarady» demekshi, týǵan eldiń jarqyn keleshegi úshin qazirdiń ózinde úlken tirlikter atqaryp júrgen jalpaqtaldyq azamattardyń munysy maqtaýǵa turarlyq is.
Turarbek AQMÝRZIN.
Batys Qazaqstan oblysy,
Qaztalov aýdany,
Jalpaqtal aýyly.
