Júrekter lúpil qaǵady. Mektep partasynyń sońǵy synaǵy. Endi úlken ómir baspaldaǵyna jol ashady. Aǵymdaǵy jyldyń 4 maýsymyndaǵy test tapsyrýǵa 24104 túlek qatysyp, ózderiniń baǵyn synady.Úlken daıyndyqpen kelgen bul kúngi dúbirli doda 60 test tapsyrý ortalyǵynda esigin aıqara ashty. Jyl saıynǵy úzdige kútken bul kúnge 10 talapker tártip buzǵany úshin aýdıtorııaǵa jiberilmedi. Talapkerlerdiń qaltalarynan 11046 uıaly telefon, 7533 shpargalka alynsa, olardyń janynan 438 kalkýlıator shyǵyp otyr. Sondaı-aq 82 fotoapparat, 8 rasııa, 8 blıýtýz, 19 fleshka, 17 wi-fi taǵy bar.
Synaqtyń qyza túsken úshinshi kúninde qorytyndyny saralaı kelgende aldyndaǵy eki kúnde qol jetkizgen eń mártebeli 125 balǵa eshkim qol jetkize almaǵan. 4018 túlek 100-den astam ball jınaǵan. Bul osy kúngi synnyń 16 paıyzyn qurap otyr. Al ótken jyly, ıaǵnı, 2013 jyly3231 talapker mundaı pátıjege qol jetkizip edi. Ol degenińiz, 12,6 paıyz kórsetkishti aıǵaqtar edi. Salystyrmaly túrde alsaq ótken jylmen alǵanda ilgerilegenniń sál ǵana baıqalǵanyn baǵamdar edik.
Úshinshi kúngi UBT baly orta eseppen alǵanda 77,1-di quraǵan. Bul baǵam ótken, 2013 jyly 74,8 ball bolyp edi. Salystyra qaraǵanda sál ǵana alǵa jyljyǵanymyzdy baıqaımyz. Eń tómengi kórsetkish dep sanalatyn 50 baldy 5829 túlek jınaǵan. Al byltyrǵy jyly bul kórsetkish 7436 eken. Bul kórsetkishter salystyrmaly alǵanda UBT joǵary deńgeıde uıymdastyryldy deı alamyz. Jas túlekterdiń talabyna nur jaýsyn! Jastardy bolashaqta bıikterden kóre berýge jazsyn, – dep tileıik.
«Egemen-aqparat».