«Qalany aralaý barysynda, sol sııaqty turǵyndarmen kezdesýde de áleýmettik nysandar salý máselesi kóteriledi. Kólem boıynsha qazirgi deńgeıdi saqtap qana qoımaı áleýmettik nysandardyń sanyn da arttyramyz. Máselen, aldaǵy oqý jylyna 13 mektep salýdy josparlap otyrmyz. Budan bólek, Memleket basshysynyń tapsyrmasy boıynsha «Jaıly mektep» ulttyq jobasy aıasynda 100 myń oqýshy ornyna (2 aýysymdy) arnalǵan 25 iri mektepti jobalaý jumysy bastaldy. Jańa formattaǵy bilim ordalarynyń qurylysyn 2023 jyly bastaımyz», delingen jazbada.
Sol sııaqty keler jyly jekemenshik balabaqshalarǵa arnap 9 myń orynǵa arnalǵan qosymsha memlekettik tapsyrys beriletini jazylǵan. Ol arqyly balalardy mektepke deıingi tárbıemen qamtýdy arttyrýǵa bolady.
«Búgin qarqyndy damyp kele jatqan aýdanda №98 «Mıras» memlekettik balabaqshasy ashyldy. (Esil aýdany, Kúltegin kósh.). Balabaqshanyń syıymdylyǵy 300-ge jýyq oryndy quraıdy. Munda oıyn jáne mýzyka bólmelerinen bólek pedıatr, logoped, psıholog kabınetteri, sondaı-aq emdeý kabıneti qarastyrylǵan medısınalyq kabınet bar. Bul mekemede ınklıýzıvti bilim berýge de jaǵdaı jasalǵan. Balabaqsha 2023 jyldyń qańtarynan bastap tolyq jumys isteıtin bolady», dep jazdy Jeńis Qasymbek.
