Naǵyz baqyt – denińniń saýlyǵy

Búgingi tańda jer-jerde aýrý túrleriniń 60-70%-y juqpaly ­aýrýlar bolyp otyr, ıaǵnı bul ­jo­ǵa­ry deńgeıdi kórsetedi. Kópte­gen umyt bolǵan juqpalar qar­qyn alyp barady. Vırýstan prıon­ǵa deıingi mıkrofloralardyń jańa túrleriniń ashylýy «jańa juqpalar» degen termındi týdyryp otyr. Álemde jyl saıyn 5 jasqa deıingi balalardyń 10 mıllıonǵa jýyǵy qaıtys bolady. О́lim-jitimniń 70%-ynan astamy – jiti respıratorly juqpalar, ish ótý, qyzylsha jáne t.b. sııaqty aldyn alýǵa bolatyn aýrýlar. Bizdiń ujym balalardyń juqpaly aýrýlaryn emdeýde jáne onyń aldyn alýda orasan eńbek atqaryp, eleýli jetistikke jetip otyr. Salystyrmaly túrde qaraıtyn bolsaq, ishek juqpalary men salmonellez deńgeıi tómendedi. Biraz juqpaly aýrýlardy, onyń ishinde, jiti ishek juqpasy men jiti respıratorly juqpalardy dıagnostıkalap, emdeýdi jetildirýge arnalǵan baǵdarlama belsendi jumys isteýde. Sońǵy 5 jylda ólim-jitim edáýir tómendedi. Osyndaı jetistikterge aýrýhana ujymynyń arqasynda qol jetkizip otyrmyz. Densaýlyq saqtaý salasyndaǵy kóptegen qıyndyqtarǵa qaramastan medısına qyzmetkerleriniń áleýeti áli kúnge joǵary. Aýrýhana qyzmetkerleriniń ishinde «Densaýlyq salasynyń úzdigi», Qazaqstan Táýelsizdiginiń 10 jyldyǵy» tósbelgilerimen, medaldarymen marapattalǵandar, Densaýlyq saqtaý mınıstrligi men basqarmasynyń qurmet gramotalarymen marapattalǵandar da bar. Sondaı-aq, medısınalyq qoǵamdar uıymdastyratyn ár­túr­li shyǵarmashylyq, kási­­­­­bı baıqaýlarǵa qatysyp, qur­met­ti oryndarǵa ıe bolyp júr. Stasıonarda jyl saıyn Medı­sına qyzmetkerleri kúniniń qurmetine «Eń myqty dáriger», «Eń myqty medbıke», «Eń myqty tazalyqshy» baıqaýlary ótkizilip otyrady. 2012 jyly reanımatolog-anestezıolog dáriger Shynar Qappasqyzy Sádýaqasova «Jyl dárigeri» qalalyq baıqaýynyń jeńimpazy atandy. 2013 jyly rea­nımasııa jáne qarqyndy terapııa bólimshesiniń medbıkesi Záýre Raısova «Eń myqty medbıke» qalalyq baıqaýynyń jeńimpazy atandy. Medısına qyzmetkerleri kúni qarsańynda bala densaý­­ly­ǵyn qorǵaý úshin kúsh-jige­rin jumsap júrgen maman­dar­dy quttyqtaǵymyz keledi. Olardyń qatarynda T.Kostrov­skaıa, A.Shoqtybaeva, Ǵ.Qııa­sheva, S.Qyrǵyzbekova, B.Jarma­ǵambetova, J.Bókenova, K.Iаrmam­betov, G.Kúzgibekova, A.Fedıý­chenko, G.Nurtazına jáne basqa da kóptegen qyzmetkerler bar. Jaratylys zertteýshisi, pedagog, hırýrg, anatom, anestezııa mektebiniń negizin qalaýshy N.Pırogovtyń «О́zgeniń baqyty úshin baqytty bolý – dáriger mamandyǵyn tańdaǵan ár adamnyń naǵyz baqyty...» degen dana sózine qarap, shynynda da baqyt degenniń ne ekenin túsingendeı bolasyń. Densaýlyq týraly oılamasań, ıaǵnı densaýlyǵyńnyń bolǵany. Deniń saý bolsa, jigeriń myqty bolsa, janyń tynysh bolsa, mine, naǵyz baqyt degen osy! Al, dáriger qaýymy árbir adamnyń baqytty bolýy úshin óz úlesin qosa beredi. Sáýle Kenjebaeva, Astana qalalyq balalar juqpaly aýrýlar aýrýhana­sy bas dárigeriniń emdeý isi boıynsha orynbasary. Astana.