Atalǵan kitap Mádenıet jáne sport mınıstrligi «Mádenıet jáne óner salasyndaǵy básekelestikti joǵarylatý, qazaqstandyq mádenı murany saqtaý, zerdeleý men nasıhattaý jáne arhıv isiniń iske asyrylý tıimdiligin arttyrý» baǵdarlamasy «Ádebıettiń áleýmettik mańyzdy túrlerin satyp alý, basyp shyǵarý jáne taratý» kishi baǵdarlamasy boıynsha jaryq kórdi.
Bul 2005 jyly shyqqan, oqyrman qaýymnyń erekshe yqylasyna bólengen, rámiztaný salasyndaǵy asa qundy eńbektiń ekinshi basylymy. Alǵashqy basylym shyqqannan beri ótken jyldar ishindegi elimizde, ári álem memleketterinde oryn alǵan ózgerister eskerilip, kitapta berilgen keıbir aqparat sáıkesinshe jańartylyp, tolyqtyryldy.
El - ulttyq dúnıetanymymyzdaǵy uly uǵymdardyń biri. Arǵyqazaq sózinen bastap búginge sheıin esh ózgerissiz qaýym, qaǵanat, el-jurt, Otan, memleket maǵynasynda qoldanylyp keledi. Eldik minez, eldik dástúr, eldik murat, eldik namys, eljandylyq, otanshyldyq tárizdi rýhanı qundylyqtardyń ózegi de osy sóz, osy uǵym.
Kitap Qazaqstan Respýblıkasy Memlekettik rámizderi týraly jan-jaqty ǵylymı-kórkem paıymdaý arqyly zamandastarymyzdyń boıynda memlekettik murattarǵa adaldyq, eldik ańsarlarǵa súıispenshilik jáne otanshyldyq sezimderin oıatýǵa baǵyttalǵan. Tili - shuraıly, dili - taza, dińi - myqty. Eldigimizge qatysty keń maǵlumat beretin tereń ıntellektýaldyq eńbek dep baǵalaýǵa laıyq týyndy. Júrek qaınarynda sýǵarylǵan sezim sózi retinde ajarly hám áserli.
Táýelsiz Qazaqstannyń nyǵaıyp, damýy úshin tynym tappaı eńbek etken, Memlekettik rámizderimizdiń dúnıege kelip, qabyldanýynyń basy-qasynda bolǵan belgili aqyn, jazýshy-pýblısıst, qoǵam qaıratkeri, Táýelsiz Qazaqstan tarıhyndaǵy tuńǵysh rámiztanýshy Erbol Shaımerdenovtyń bul baǵaly eńbegi stýdentter men oqýshylarǵa, pedagogterge, saıasattanýshylarǵa, rámiztanýshylarǵa, júregi elim dep soqqan barsha oqyrman qaýymǵa arnalǵan.
