«Astana Operada» aty áıgili La Scala óner kórsetedi

Alǵash ret Qazaqstanda, «Astana Opera» óner ordasynyń kıeli sahnasynda álemge áıgili La Scala ıtalıan teatry óner kórsetedi. Atyshýly Mılan teatry Rýdolf Nýrıevtyń redaksııalaýymen Lıýdvıg Mınkýstyń «Don Kıhot» balet spektaklin sahnalaıdy. Otandastarymyz ıtalıan sheberleri somdaǵan muńly seri Doh Kıhottyń beınesin astana sahnasynan 2014 jyly 30 maýsym men 4 shilde aralyǵynda tamashalaı alady. Taǵdyry qııal men saǵymǵa toly ıspan Don Kıhot óz ómirin oı-sanasynda ǵajap etkenimen, shyndyqqa betpe-bet kelgende báriniń beker ekenin biledi. Balet tolyǵymen Don Kıhot pen qolshoqpary Sancho Panstyń basynan keshken oqıǵalaryna qurylǵan. Onda mahabbat tarıhyna sáıkes jas boıjetken Kıtrı men shashtaraz Bazıl qýǵyn-súrgin men ótirikke qaramastan óz armandaryn júzege asyrýǵa bekinedi. Don Kıhot jel dıirmenimen aıqasyp, túsinde dýalanǵan baqta Dýlsınıamen shyr aınala bı bıleıdi. Balettiń ár qımylynan esken alańsyz kóńil-kúı ıspan folklorynyń qanyq áýenderi, syǵan bıi men Drıal patshalyǵynyń ǵajap álemi klassıkalyq komedııa sahnalanýynan syr beredi. Aýzyn ashsa júregi kórinetin aqkóńil Don Kıhottyń minezi bı tehnıkasymen sheber órilýi qajet. Ásirese mahabbat saltanatyn sýretteıtin qorytyndy gran pa-de-de sheberlikti talap etedi. Ispan ulttyq naqyshynda beriletin kartınalar sahnalanatyn áserli dekorasııany Rafael del Savıo, kostıýmderdi Anna Annı daıyndady. Spektakldiń aranjırovkasy men  beıimdelýine Djon Lanchberı eńbektendi. Atyshýly ıtalıan ártisteri «Astana Opera» sımfonııalyq orkestriniń súıemeldeýimen bıleıtin bolady. «Astana Opera» teatry dırektory Tólegen Muhamedjanov  La Scala teatry basshylyǵymen yntymaqtastyq týrasynda bylaı dedi: «Árıne biz bıikterge umtylamyz. Bizdiń teatdyń álemdegi úzdikterdiń sanatynda bolǵanyn qalaımyz. La Scala teatrynyń ókilderimen kózbe-kóz kezdesýimde olar bizdiń anamyz sııaqty bolý kerek dep obrazdy túrde aıttym, ıaǵnı tárbıelep baýlyǵan anamyz sııaqty bizdi jarqyn bolashaqqa birge jetelese degen oı». Danııar Alan.