Bıylǵy jyldyń 5 maýsymynda ótken test tapsyrýǵa 9 346 túlek qatysty.
Bul jolǵy synaq dodasy 32 pýnkt bazasynda tapsyryldy.
Tártip buzýshylyq bolǵan joq.
Test tapsyrýshylardan 2 938 uıaly telefon, 2 574 shpargalka, 187 kalkýlıator, 16 fotoapparat, 7 rasııa, 2 fleshka, 1 qol skaner alynyp, synaq tapsyrý ornyna jiberilmedi.
Tórtinshi kúnniń qorytyndysy boıynsha, túlekterdiń eshqaısysy eń joǵary 125 baldy jınaı alǵan joq.
Bul kúngi synaqta 1 404 oqýshynyń (15%) 100-den astam ball jınaǵany anyqtaldy. 2013 jyly mundaı nátıjege 1 389 (13,4%) túlek qol jetkizgen bolatyn.
Tórtinshi kúngi UBT baly orta eseppen alǵanda 78,2-ni qurady, ótken 2013 jylǵy kórsetkish 74,7 ball bolǵan edi.
Eń tómengi kórsetkish – 50 baldy 1 888 (20,2%) túlek jınaı almady. 2013 jyly bul kórsetkish 3 074 (29,8%) bolǵan-tyn.
UBT joǵary uıymdastyrylǵan deńgeıde ótti, dep habarlady QR BǴM baspasóz qyzmeti.
«Egemen-aqparat».
