Taǵlym

S.Seıfýllın atyndaǵy Qazaq agrotehnıkalyq ýnıversıtetinde qýǵyn-súrgin qurbandaryn eske alý kúni aıasynda ótken «Alash rýhyna taǵzym» atty dástúrli jobanyń orny bólek. Bulaı bolýy ábden zańdy. Aqıyq aqyn, jazýshy, qoǵam jáne memleket qaıratkeri esimine ıe oqý ornynyń 12 myń stýdenti qol qoıǵan úndeý boıynsha S.Seıfýllınniń 120 jyldyǵyna oraı bıylǵy jyldy Sáken jyly dep atap ótý týraly bastama kóterilip otyr. Aıta ketý kerek, joba aıasynda ýnıversıtet stýdent­teri­niń «Aq jelken» teatry qatysýymen aqyn Ǵazız Esh­tanaevtyń týyndysy negi­zinde teatr jáne kıno akte­ri Qýandyq Qystyqbaev sah­nalaǵan «Jolaıryq» spek­takliniń tusaýy kesildi. Qala­lyq, oblystyq jáne res­pýb­lıkalyq baıqaýlarda jeńimpaz atanǵan óner ujymy aqynnyń Ombydaǵy qazaq jastarynyń «Birlik» qaýymyn qurǵan sátindegi ishki jan tebirenisin óte shynaıy beınelep jetkizdi. Sáken rólin veterınarııa jáne mal sharýashylyǵy fa­kýltetiniń 4-kýrs stýdenti Baýyrjan Jaqsybaev, Maǵ­jan beınesin ekonomıka fakýl­tetiniń 3-kýrs stýdenti Álibek Myrzaqulov nanymdy somdap, Alash ardaqtylarynyń rýhy asqaqtatyldy. Keshegi zobalań jyldar jań­ǵyryǵy dál qazaq hal­qyn­daı jer betinde azap shekken basqa birde-bir ult joqtyǵyn aıǵaqtasa, tarıhı shyndyqtar jappaı qýǵyn-súrgin yla­ńy­nan elimizde 100 myńnan astam adamnyń aıdalyp, al 25 myńnan astamynyń jazyqsyz atý jazasyna kesilgenin taı­ǵa tańba basqandaı naqty­laı­dy. О́kinishke qaraı, talaı asyldarymyz ben arlanda­ry­myz teris saıasattyń qur­ba­ny­na aınalyp, 1937-38 jyl­dary elim dep eńiregen er­lerge «halyq jaýy» aty ta­ńylǵany óz aldyna jarasy bólek qasiret. Kózi ashyq, kó­kiregi oıaý aqyn-jazýshylar men bılik basyndaǵy azamat­tar­dyń qýǵyn-súrginge ushy­rap, balalary jan-jaq­qa toz-toz bolyp ketkeni týra­syn aıtqanda, ǵasyrlar tuń­ǵıyǵynan jas urpaqqa áli de kóp syr býylyp shyǵa almaı jatqanyn sezdiredi. Talaı otbasynyń shańyraǵy ortasyna túsip, qasiret jutqan halyqtyń kókeıindegi qaıǵyly muń tolyqtaı aq qaǵazdyń betine túsip, tarıhtyń taǵylymdy izderi túgendelip bitti deýge áli erterek. Sonyń ishinde Alash zııalylaryna jastar tarapynan qoıylyp jatqan rýhanı eskertkishtiń eńsesi ózge áreketterge qa­raǵanda áldeqaıda bıik hám taǵylymy bólek úlgi dep túsinemiz. Álıhan Bókeıhanov, Ahmet Baıtursynov, Mirjaqyp Dýlatov, Temirbek Júrgenov, Oraz Jandosov, jyrdyń úsh báıteregi – Sáken, Ilııas, Beıimbet rýhymen jigerlengen stýdent-jastardyń úndeýinde: «Otanyn súıetin, onyń tarı­hyn dáripteıtin biz sııaqty patrıot jastardy aǵa býyn­nyń jasampaz erlikterin maq­tan tutyp, memleketimizdiń berik tutqasy bolýǵa shaqy­ramyz. Sáken murasyn nası­hat­taýǵa úndegen bizdiń osy bastamamyzdy respýblıka boıynsha barlyq jastar qaýymy, jergilikti uıymdar, bilim ordalary azamattyq belsendilikpen qoldap, atsa­lysady degen úmittemiz» delingen. Keıingi óskeleń urpaqtyń Alash zııalylary rýhyna degen súıispenshiligi men belsendiliginen azattyq tańyn ańsap ótken sol babalar armany búginde qyrdyń qyrmyzy gúlindeı qaýlap ósken jastardyń júregindegi jalyn-otqa aınalyp bara jatqanyn kóresiz. Stýdentter úni márege jetpeı máńgilik saparǵa attanǵan sáıgúlikter dúbiriniń jańǵyryqtaryn qulaǵymyzǵa keltirdi. Eske alý keshinde Parlament Májilisiniń depý­taty Baqytbek Smaǵulov, Qa­zaq agrotehnıkalyq ýnı­versıtetiniń birinshi pro­rektory, professor Aıtjan Ábdirov sóz sóıledi. Ult janashyrlary, alashtanýshy ǵalymdar oıy arýaqtar qur­metine jaıylǵan dastarqanda jalǵasyp, ult uldaryna ba­ǵyshtalyp Quran oqyldy. Qarashash TOQSANBAI, «Egemen Qazaqstan».