Qazaqstan Respýblıkasy Ádilet mınıstrliginiń buıryǵy №35

2014 jylǵy 30 qańtar Astana qalasy Avtorlyq quqyq jáne sabaqtas quqyqtar zańnamacynyń saqtalýy boıynsha memlekettik mekemeler qyzmetiniń táýekel dárejesin baǵalaý tekserý paraǵynyń nysanyn jáne ólshemderin bekitý týraly «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasy Zańynyń 13 jáne 15-baptaryna, «Ádilet organdary týraly» 2002 jylǵy 18 naýryzdaǵy Qazaqstan Respýblıkasy Zańynyń 22-1-babynyń 1-tarmaǵyna sáıkes, buıyramyn: 1. Mynalar: 1) avtorlyq quqyq jáne sabaqtas quqyqtar zańnamacynyń saqtalýy boıynsha memlekettik mekemeler qyzmetiniń táýekel dárejesin baǵalaý ólshemderi osy buıryqtyń 1-qosymshasyna sáıkes; 2) avtorlyq quqyq jáne sabaqtas quqyqtar zańnamacynyń saqtalýy boıynsha memlekettik mekemeler qyzmetiniń tekserý paraǵynyń nysany osy buıryqtyń 2-qosymshasyna sáıkes bekitilsin. 2. Qazaqstan Respýblıkasy Ádilet mınıstrliginiń Zııatkerlik menshik quqyǵy komıteti (A.K. Estaevqa): 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin; 2) osy buıryqty memlekettik tirkegennen keıin ony resmı jarııalaýdy qamtamasyz etsin; 3) osy buıryqty Qazaqstan Respýblıkasy Ádilet mınıstrliginiń Internet-resýrsynda jarııalaýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Ádilet mınıstriniń orynbasary E.Á. Ázimovaǵa júktelsin. 4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr B.IMAShEV. Qazaqstan Respýblıkasy Ádilet mınıstriniń 2014 jylǵy 30 qańtardaǵy №35 buıryǵyna 1-qosymsha Avtorlyq quqyq jáne sabaqtas quqyqtar zańnamasynyń saqtalýy boıynsha memlekettik mekemeler qyzmetiniń táýekel dárejesin baǵalaý ólshemderi 1. Avtorlyq quqyq jáne sabaqtas quqyqtar zańnamasynyń saqtalýy boıynsha memlekettik mekemeler qyzmetiniń táýekel dárejesin baǵalaý ólshemderi (budan ári – ólshemder) avtorlyq quqyq jáne sabaqtas quqyqtar obektilerin paıdalanatyn sýbektilerge (budan ári – sýbektiler) josparly tekseris júrgizý úshin ázirlengen. 2. Osy ólshemderde kelesi uǵymdar paıdalanylady: táýekel – tekseriletin sýbektilerdiń qyzmeti nátıjesinde avtorlardyń, sabaqtas quqyqtar sýbektileriniń nemese olardyń quqyq ıelenýshileriniń múddelerine zııan keltirý yqtımaldyǵy; baqylaý sýbektileri – Qazaqstan Respýblıkasynyń Konstıtýsııasyna jáne Qazaqstan Respýblıkasynyń zańnamalyq aktilerine nemese Qazaqstan Respýblıkasy Prezıdentiniń, Qazaqstan Respýblıkasy Úkimetiniń jáne oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdarynyń normatıvtik quqyqtyq aktilerine sáıkes memleket quratyn jáne eger qosymsha qarjylandyrý kózderi Qazaqstan Respýblıkasynyń zańnamalyq aktilerinde belgilenbese, tek qana bıýdjet nemese Qazaqstan Respýblıkasy Ulttyq Bankiniń bıýdjeti (shyǵystar smetasy) esebinen ustalatyn memlekettik mekemeler. 3. Alǵashqyda barlyq baqylaý sýbektileri eleýsiz táýekel dárejesine jatqyzylady. 4. Baqylaý sýbektileriniń táýekel dárejesi boıynsha qaıtalama tıistiligi sýbektiler qyzmetiniń sapalyq kórsetkishterine sáıkes avtorlyq jáne sabaqtas quqyqtar salasyndaǵy zańnamany buzýshylyqtardyń salalyq statıstıkasyn, josparly jáne jospardan tys tekserýlerdiń nátıjelerin eskerýmen júzege asyrylady. 5. Táýekelder dárejesin baǵalaýdyń sapalyq ólshemderine baılanysty sýbektiler joǵarǵy, ortasha nemese eleýsiz táýekel dárejesine ótedi. Sapalyq ólshemder baldarmen baǵalanady: 1) avtorlyq quqyq jáne sabaqtas quqyqtar obektilerin quqyq ıelenýshimen shart jasaspaı paıdalaný – 3 ball; 2) eger osyndaı is-áreketter nátıjesinde avtorlyq quqyqty jáne sabaqtas quqyqtardy qorǵaýdyń tehnıkalyq quraldaryn paıdalaný múmkin bolmaǵan ne osy tehnıkalyq quraldar atalǵan quqyqtardyń tıisti qorǵalýyn qamtamasyz ete almaǵan jaǵdaılarda daıyndaý, taratý, prokatqa berý, ýaqytsha paıdalanýǵa berý nemese paıda tabý ne qyzmet kórsetý maqsatynda ımporttaý, jarnamalaý – 2 ball; 3) avtordyń nemese ózge de quqyq ıelenýshiniń ruqsatynsyz týyndylardy nemese sabaqtas quqyqtar obektilerin paıdalanýǵa avtorlyq quqyqty jáne sabaqtas quqyqtardy qorǵaýdyń tehnıkalyq quraldaryn qoldaný arqyly belgilengen shekteýlerdi alyp tastaýǵa baǵyttalǵan is-áreketterdi júzege asyrý – 1 ball; 4) avtordyń nemese ózge de quqyq ıelenýshiniń ruqsatynsyz avtorlyq quqyqtardy basqarý týraly aqparatty joıý nemese ózgertý – 1 ball; 5) avtordyń nemese ózge de quqyq ıelenýshiniń ruqsatynsyz múliktik quqyqtardy basqarý týraly aqparaty joıylǵan nemese ózgertilgen týyndylarǵa nemese sabaqtas quqyqtar obektilerine qatysty olardy qaıta shyǵarý, taratý, taratý maqsatynda ımporttaý, kópshilik aldynda oryndaý, jalpy jurttyń nazaryna kábil boıynsha habarlaý nemese efırde berý, jalpy jurttyń nazaryna jetkizý – 1 ball. 6. Sýbektilerdi táýekel dárejesi boıynsha bólý: 1) joǵarǵy táýekel dárejesine tekserý nátıjeleri boıynsha 6-dan 8-ge deıingi ball alǵan sýbektiler jatady; 2) ortasha táýekel dárejesine tekserý nátıjeleri boıynsha 3-ten 5-ke deıingi ball alǵan sýbektiler jatady; 3) eleýsiz táýekel dárejesine tekserý nátıjeleri boıynsha 0-den 2-ge deıingi ball alǵan sýbektiler jatady. 7. Qaıtalama josparly tekserýlerdi júrgizý merzimdiligi myna tártipte belgilenedi: 1) jylyna bir ret – táýekel dárejesi joǵary bolǵanda; 2) úsh jylda bir ret – táýekel dárejesi ortasha bolǵanda; 3) bes jylda bir ret - táýekel dárejesi eleýsiz bolǵanda. Qazaqstan Respýblıkasy Ádilet mınıstriniń 2014 jylǵy 30 qańtardaǵy № 35 buıryǵyna 2-qosymsha Avtorlyq quqyq jáne sabaqtas quqyqtar zańnamasynyń saqtalýy boıynsha memlekettik mekemeler qyzmetin tekserý paraǵy Tekserýdi taǵaıyndaǵan ádilet organy ___________________________________ ____________________________________________________________________ Tekserýdi taǵaıyndaý týraly akt __________________________________________________________________ (№, kúni) Avtorlyq jáne sabaqtas quqyqtar obektilerin paıdalanatyn baqylaý sýbektiniń ataýy __________________________________________________________________ № Zańnamanyń talaptary Iá Joq Qajet emes Es- kertý 1 Quqyq ıelenýshilermen sharttardyń bolýy 2 Satyp alý-satý shartynyń, júkqujattyń, túbirtekterdiń, avtorlarǵa jáne ózge de quqyq ıelenýshilerge syıaqyny tóleýdi rastaıtyn qujattardyń bolýy 3 Quqyqtar berilgen zııatkerlik menshik obektileriniń ataýlary boıynsha tizbege sáıkestigi (sharttyń talaptaryna baılanysty sharttyń qosymshalary nemese taýar júkqujattary) 4 Zııatkerlik menshik obektileriniń (danalarynyń) quqyq ıelenýshiniń talaptaryna (shart talaptaryna baılanysty) sáıkestigi Tekserý júrgizgen laýazymdy tulǵalar: __________________________________________________________________ (laýazymy) (qoly) (T.A.Á.A.) __________________________________________________________________ (laýazymy) (qoly) (T.A.Á.A.) Baqylaý sýbektisi tanysty: __________________________________________________________________ (laýazymy) (qoly) (T.A.Á.A.) Buıryq Qazaqstan Respýblıkasynyń Ádilet mınıstrliginde 2014 jylǵy 13 aqpanda Normatıvtik quqyqtyq kelisimderdi memlekettik tirkeýdiń tizilimine №9147 bolyp engizildi.