«2022 jyl Qazaqstannyń búkil jańa tarıhyndaǵy eń qıyn, degenmen eń mańyzdy jyldarynyń birine aınaldy. О́tken jyl nesimen este qaldy? Bul jyldyń basty saıası trendteri qandaı? Osy tusta birneshe jaıtty atap ótkim keledi. Qańtar aıyndaǵy oqıǵalardan keıin jáne halyqaralyq shıelenistiń kúsheıýi aıasynda qoǵamda shoǵyrlandyrýǵa belgili bir suranys qalyptasty. Bul suranys maýsym aıyndaǵy referendým barysynda kórinis tapty, onyń nátıjeleri saıası turǵydan eldegi azamattyq shoǵyrlanýdyń jańa deńgeıi men jańa mazmunyn qalyptastyrdy. О́z kezeginde, qarasha aıynda ótken prezıdenttik saılaýdyń nátıjeleri qoǵam men memlekettiń eldiń odan ári damý perspektıvalary týraly birtutas túsinigin kórsetti. Sondyqtan ótken jyldyń basty saıası qorytyndylarynyń biri – bılik qoǵamdyq shoǵyrlandyrýdy qoldap, belgili bir jańa deńgeıge shyǵardy», dep jazdy Erlan Qarın telegram arnasynda.
2022-ni «jan-jaqty reformalar jyly» dep ataǵan Memlekettik keńesshi bir jyl ishinde Prezıdent eki ret Joldaý jasap, bul qujattarda Qasym-Jomart Toqaevtyń qoǵamdyq-saıası jáne áleýmettik-ekonomıkalyq salalarda túbegeıli ózgeristerge bastamashy bolǵanyn atap ótti.
«Osyndaı ózgeristerdiń nátıjesinde saıası jańǵyrtýdyń aýqymdy baǵdarlamasy iske qosyldy, konstıtýsııalyq reforma júrgizildi, ekonomıkany monopolııasyzdandyrý jáne qurylymdyq qaıta qurý prosesi bastaldy, úsh jańa sala quryldy. О́tken jyly bastalǵan jáne iske qosylǵan bul reformalar odan ári alǵa jyljýǵa serpin beredi. Sonymen ótken jylǵy prezıdenttik reformalar qazirgi ýaqyttaǵy jáne 2023 jyldaǵy saıası kún tártibin belgileýdi jalǵastyrady dep aıtýǵa bolady», deıdi E.Qarın.
«О́tken jyly qoǵamdyq óristi birshama ózgertý bastaldy. Elimizdiń qoǵamdyq-saıası ómirinde jańa tulǵalar paıda boldy, jańa qozǵalystar men birlestikter, onyń ishinde partııalar ózderin jarııalady. Al birinshi ulttyq quryltaıdyń shaqyrylýy jalpyulttyq dıalogti jańa ınstıtýsıonaldyq deńgeıge kóterdi. 2022 jyly Qazaqstan da belsendi syrtqy saıasatty júrgizdi. Týyndaǵan kúrdeli geosaıası jaǵdaılarǵa qaramastan, elimiz tekserilgen, biraq sonymen birge serpindi syrtqy saıası baǵytty júrgizýdi jalǵastyrdy. Biz barlyq negizgi seriktesterimizben ózara tıimdi yntymaqtastyqty damyttyq. Prezıdenttiń Qytaı, Reseı, Túrkııa, BAÁ, Iran, Qatar, Saýd Arabııasy, Ázerbaıjan, Fransııa jáne О́zbekstanǵa saparlary jahandyq týrbýlenttilik jaǵdaıynda elimizdiń kópvektorly syrtqy saıasatyna jańa mazmun berdi. Pandemııa bastalǵannan beri QHR Tóraǵasy Sı Szınpınniń Qazaqstanǵa alǵashqy sheteldik sapary, sondaı-aq Rım Papasy Fransısktiń Apostoldyq sapary mańyzdy boldy», degen E.Qarın sarapshylar qaýymdastyǵy úshin 2022 jyl sonymen qatar negizgi qoǵamdyq qundylyqtardyń jańa júıesin izdeý tóńiregindegi pikirtalastardyń bastalýymen este qalatynyn atap ótti.
«Qoǵamda jańa qundylyq matrısasyn qalyptastyrý úshin memleket eńbek ıdeologııasy men yntymaqtastyqty, bilim berý kýltin, tabıǵatqa uqypty qaraýdy maqsatty túrde bastady. Bálkim, osy jyldyń eń sátti ıdeologııalyq bastamalarynyń biri – bizdiń zamanaýı memlekettiligimizdi beıneleıtin negizgi ulttyq mereke retinde Respýblıka kúnin qaıtarý bolǵan shyǵar. Osylaısha 2022 jyldy qorytyndylaı kele, bul jyl bizdiń memlekettiligimiz úshin buryn-sońdy bolmaǵan kóptegen syn-qaterdi eńserý jáne eldi jan-jaqty jańǵyrtýdyń bastalýymen este qalady dep aıtýǵa bolady», dep jazdy Memlekettik keńesshi.
