Osylaısha, azamattyq qyzmetke kirý kezinde, kvazımemlekettik sektor sýbektilerine jumysqa ornalasý kezinde sybaılas jemqorlyq qylmystyń bolýy nemese bolmaýy týraly málimetter alýǵa bolady.
Buǵan deıin málimetterge Bas prokýratýranyń Quqyqtyq statıstıka jáne arnaıy esepke alý komıteti jáne onyń óńirlik basqarmalary azamattardyń jeke ótinishteri boıynsha «E-otinish» azamattardyń ótinishterin qabyldaý men óńdeýdiń biryńǵaı platformasy arqyly qol jetkizýge bolatyn.
Málimetter jumys berýshige usynylǵannan keıin, jumysqa qabyldaý týraly sheshimdi jumys berýshi qabyldaıdy. Eńbek kodeksine sáıkes, sybaılas jemqorlyq qylmys jasaǵan adamdy kvazımemlekettik sektor sýbektilerine jumysqa ornalasýyna jol berilmeıdi. Bul jańartýlar Qazaqstan Respýblıkasy Prezıdentiniń bıýrokratııadan aryltý týraly Jarlyǵy sheńberinde júzege asyrylǵanyn atap ótken jón, onyń mańyzdylyǵy – memlekettik basqarýdyń barlyq salalaryn sıfrlyq transformasııalaý jáne júıeli ózgertý.
«Sybaılas jemqorlyq qylmys jasaý týraly málimetter memlekettik qyzmet pen kvazımemlekettik sektordyń bolashaq qyzmetkerleri úshin qajet. Qolaıly bolý ári ýaqytty únemdeý úshin memlekettik organdarmen birlesip, ony onlaın formatqa aýystyrdyq. Bul qyzmet túri iske qosylǵan sátten bastap 98 myńnan asa adam málimet aldy. Sonymen qatar jaqyn arada biz qyzmetti úshinshi tulǵalardyń servısi arqyly iske qosamyz», deıdi «Ulttyq aqparattyq tehnologııalar» AQ basqarma tóraǵasy Rostıslav Konıashkın.
Qyzmet «Ulttyq aqparattyq tehnologııalar» AQ, Sıfrlyq damý, ınnovasııalar jáne aeroǵarysh ónerkásibi mınıstrliginiń Memlekettik qyzmetter komıteti men Bas prokýratýranyń birlesken jumysynyń nátıjesinde júzege asyrylǵanyn atap ótken jón.
